Eingin semja um fyritíðarpensjónistar

bannari
04.12.2017 - 12:53
AktueltPolitikkur
Eingin semja um fyritíðarpensjónistar
Stór ørkymlan var um fíggingina fyrrapartin, tá løgtingið viðgjørdi tær 1000 krónurnar, sum fyritíðarpensjónistar skulu fáa afturat næsta ár
 

Uppskotið kundi ikki viðgerast upprunaliga, tí kommunurnar noktaðu at rinda tær góðar 25 milliónirnar, sum ábótin fer at kosta teimum. Samráðingar hava síðani verið millum landsstýrið og kommunurnar, men enn er eingin semja gjørd um rokningina.

Óvissan hevði fyrrapartin við sær, at mong tingfólk góvu ilt av sær, tí uppskotið ikki var búgvið at viðgera. Og sjálvt forkvinnan í fíggjarnevndini, Ruth Vang, sum er partur av samgonguni segði, at hon - sum er - hvørki kann siga ja ella nei til uppskotið, fyrr enn greiða er fingin á, hvussu rokningin skal rindast

Tá Kristina Háfoss, landsstýriskvinna loksins fekk orðið at greiða frá, viðgekk hon, at fíggingin ikki er fingin uppá pláss enn.

Men hon segði, at umframt, at kommunurnar fara at fáa størri fíggjarligt rásarúm við komandi pensjónsnýskipanini, so hava tær eisini fingið uppskot um, at tær næsta ár skulu fáa burtur av veiðigjaldinum, sum skal takast av tí partinum av fiskatilfeinginum, sum ikki verður selt á uppboðssølu.

Ætlanin er nú, at fyritíðarpensjónistar fáa 600 krónur meira á nýggjárinum og so 400 krónur afturat 1. juli.
 

 
Nýggjastu sendingar í ÚV
Fríggjadag 30. oktober
Tá ið eg tosi um at renna - 01.partur
115554
Fríggjadag 30. oktober
Morgunlestur frígggjadagur 30. oktober 2020
115365
Hósdag 29. oktober
RagnarRokk 29.oktober 2020
115219
Hósdag 29. oktober
RagnarRokk: Roine Stolt um Islands
115218
Nýggjastu sendingar í SV
Hósdag 29. oktober
Línumenn (2:3)
115501
Týsdag 27. oktober
Atlantshavið (2:3) - Fjøllini í dýpinum
115407
Mánadag 26. oktober
3-2
115334
Sunnudag 25. oktober
Andakt við Símuni Hansen
115260
Sunnudag 25. oktober
Guðstænasta í Fuglafjarðar kirkju
115261