Løgtingið byrjar árið við pensjónunum

bannari
12.01.2018 - 07:35
AktueltPolitikkur
Løgtingið byrjar árið við pensjónunum
Tingið endaði 2017 við fiskivinnunýskipanini og byrjar eisini 2018 við einari nýskipan. Tríggir tingfundir verða í næstu viku
Í næstu viku fer løgtingið aftur á fund. Stórmál eru á dagsskránni.
 
 

Fyrsti tingfundurin í ár verður týsdagin.

Tá fer løgtingið at viðgera tey seks lógaruppskotini, sum saman mynda pensjónsnýskipanina.

Mikudagin er eisini eitt stórmal frá landsstýrinum á skránni, - nýggja alilógin.

Løgtingið skal eisini viðgera uppskotið hjá Sonju Jógvansdóttur um skattafrádrátt fyri limagjald til fakfeløg.

Hetta er aðru ferð í hesara tingsetuni, at tingið viðger hetta uppskotið.

Fall fyri jól

Samgongan hevur lovað Sonju Jógvansdóttur at atkvøða fyri uppskoti hennara.

Men tá atkvøðast skuldi seinast, tað var stutt fyri jól, fekk samgogan ikki mannað lið, so uppskotið fall.

Hósdagin er so byggingin hjá Almannamálaráðnum á skránni. Byggjast skulu barnaheim, tveir vardir bústaðir í Havn og heim til ung við autismu.

Og tveir skrivligir fyrispurningar skulu svarast hósdagin.

Annar er um røkt og tænastutilboð til røktarkrevjandi fólk, sum eru yngri enn 67 ár, og hin er um rækjufiskiskap við Svalbard og í russiskum sjógvi.   
 

Sí eisini

Nýggjastu sendingar í ÚV
Leygardag 20. oktober
Morgunlestur leygardagur 20.oktober 2018
86026
Fríggjadag 19. oktober
Pressan: Rigmor, R7 og Andøvsløtan
86616
Fríggjadag 19. oktober
Mín avrikslisti (2:3)
86609
Fríggjadag 19. oktober
Morgunlestur fríggjadagur 19.oktober 2018
86025
Hósdag 18. oktober
Morgunlestur hósdagur 18.oktober 2018
86024
Nýggjastu sendingar í SV
Fríggjadag 19. oktober
Lyst 17
86618
Hósdag 18. oktober
Ongin dagur uttan pínu
86574
Mikudag 17. oktober
25 minuttir: Árni Olafsson
86459
Mánadag 15. oktober
3-2
86447
Sunnudag 14. oktober
Andaktin
86404