Veiðigjaldið seinkað

bannari
23.02.2018 - 12:12
AktueltPolitikkur
Veiðigjaldið seinkað
Politiska telvingin um veiðigjaldið er ikki liðug, og tí dregur tað út hjá Vinnunevndini at leggja álit fyri løgtingið.
 
 

Tað sigur Bjørt Samuelsen, forkvinna í Vinnunevndini, sum hevur sett veiðigjaldið á skrá fyri næsta fundin í nevndini, sum verður hósdagin í næstu viku.

Uppskotið um veiðigjaldið hevur verið leingi í Vinnunevndini. Nevndin bað um longda freist at viðgera uppskotið, men tann freistin var úti 16. februar. Enn hevur nevndin ikki biðið um longda freist frá formansskapinum, sigur Bjørt Samuelsen.

Kommunurnar missa milliónir

Eftir uppskotinum missa kommunurnar 8 milliónir krónur í inntøkum, tá veiðigjaldið er samtykt.

Kommunurnar hava gjørt vart við seg, tí tær halda tað ikki vera rætt, at landið samtykkir broytingar, sum hava við sær, at kommunurnar missa stórar upphæddir í inntøkunum.

Málið um pengarnar, sum skulu halda kommunurnar skaðaleysar av uppskotinum til veiðigjald, er ein av spurningunum, sum ikki enn er loystur, men hann verður umrøddur, sigur Bjørt Samuelsen.

Og semja er heldur ikki um, um verandi uppskot skal vera grundarlag fyri veiðigjaldinum. Tí verður eisini arbeitt við, og Bjørt Samuelsen sigur, at eftir øllum at døma verður uppskotið broytt, so veiðigjaldið ikki fer at krevja so nógv frá vinnuni, sum uppskotið leggur upp til.

Hetta eru alt viðurskifti, sum arbeitt verður við, og tí tekur tað eitt sindur av tíð afturat, áðrenn klárt verður at leggja álit fyri løgtingið, sigur Bjørt Samuelsen.

Sí eisini

Nýggjastu sendingar í ÚV
Sunnudag 17. februar
Credo: Pápin fórst við Hans Hedtoft
91249
Leygardag 16. februar
Teir fyrstu um Atlantshavið
91094
Leygardag 16. februar
Leygardagur 16. Februar 2019
91306
Leygardag 16. februar
Also: Ikki uppfinna trupulleikar
91300
Nýggjastu sendingar í SV
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270
Hósdag 14. februar
Stella Polaris 2019
91229
Hósdag 14. februar
Stella Polaris
91224
Mikudag 13. februar
Landafrøðingurin og testamentið (3:8)
90632