Biða eftir kanning og sjófrágreiðing um vanlukku

12.03.2018 - 13:01
AktueltTøkni
Biða eftir kanning og sjófrágreiðing um vanlukku
Strandfaraskip Landsins hava onga viðmerking enn um vanlukkuna á Kirkju
Ritan í Fugloynni.
 
 

Strandfaraskip landsins bíða eftir kanningum og sjófrágreiðing, áðrenn støða verður tikin til siglingina til Fugloyarog vanlukkuna á Kirkju í gjár.

Tað sigur stjórin, Hilmar Eliasen, sum ikki hevur fleiri viðmerkingar í løtuni.

Hann var eystan í ættini í gjár, og tá nógvur vindur er, verður ikki lagt at í Hattarvík. Men á Kirkju lívir, og har verður lagt at.

Hilmar Eliasen sigur, at skiparin tekur avgerð um at leggja at í samráði við staðkønan mann í landi, sum er avgreiðslumaðurin hjá Strandferðsluni á staðnum.

Harafturat er ein váðameting til hvørja leið, eitt skjal, sum sigur, hvussu berast skal at. Stovnurin hevur eisini innaneftirlit.

Hilmar Eliasen sigur, at Strandfaraskip landsins fara at biðja um sjófrágreiðing um hendingina á Kirkju í gjár.

Maður doyði 

Ein maður doyði eftir, at hann á veg um borð á Rituna á Kirkju um tvey-tíðina í gjár datt niður ímillum og á sjógv.

Maðurin var staðkendur.

Tað eydnaðist at fáa mannin uppaftur, og Ritan sigldi síðani til Svínoyar, har tyrlan kom eftir manninum.

Í tyrluni royndu tey eisini at fáa lív í aftur mannin, men tað eydnaðist ikki.

Danska skaðanevndin kemur

Hans Johannes á Brúgv, stjóri í Sjóvinnustýrinum, sigur, at danska skaðanevndin kemur til Føroya at kanna vanlukkuna á Kirkju.
Sjóvinnusstýrið gjørdi í 2015 avtalu við Søfartsstyrelsen um, at Den Maritime Havarikommission kannar vanlukkur á sjónum, tí Sjóvinnustýrið hevur eftirlit við skipunum og góðkennir skipini.

Í hesum føri er talan um eitt skip hjá Strandferðsluni, og er tí partur í málinum.

Nýggjastu sendingar í ÚV
Leygardag 22. september
Morgunlestur leygardagur 22. september 2018
85416
Fríggjadag 21. september
Pressan: Politiskur journalistikkur
85610
Fríggjadag 21. september
Morgunlestur fríggjadagur 21. september 2018
85415
Hósdag 20. september
Nón í Vestmanna
85591
Hósdag 20. september
Morgunlestur hósdagur 20. september 2018
85414
Nýggjastu sendingar í SV
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398
Leygardag 15. september
Andaktin
85382
Mikudag 12. september
»Bumbuflogfarið á Nakki«
16409