Puigdemont er handtikin

Fyrrverandi katalonski forsetin, Charles Puigdemont, varð handtikin av týsku løgregluni fyrr í dag á tætt við grensuna millum Danmark og Týskland. 

Tað skrivar danska kringvarpið.

Týska tíðindastovan DPA skrivar, at Puigdemont varð handtikin, tá hann var á veg til Týsklands úr Danmark. 

Teir seinastu dagarnar hevur Puigdemont verið í Finnlandi fyri at samráðast við politikarar. Fyrr í dag frættist, at tað eydnaðist honum at koma sær undan finsku løgregluna, og at hann var á veg til Belgia aftur.

Sakførarin hjá Puigdemont váttar á sosiala miðlinum Twitter, at loysingarleiðarin varð afturhildin av týsku løgregluna á veg til Belgia. 

Carles Puigdemont hevur síðani oktober 2017 livað í útlegd í Belgia. Fríggjadagin komu handtøkuboð frá sponsku myndugleikunum, sum kravdu at fáa Puigdemont givnan upp.