Filippinar bøta um føroyska kvinnuundirskotið

Samfelag

Stórur partur av kvinnum, sum hava flutt til Føroya seinastu átta árini, eru føddar í Filipsoyggjum og Tailandi.

Fyrsti flokkurin hjá Bergljót av Skarði fær prógv í føroyskum sum fremmandamál í 2015.

Mynd: Kringvarp Føroya

Rógvi Olavson

12.04.2018 - 12:30

Tilsamans búðu 845 fleiri kvinnur í Føroyum í 2017 enn í 2010, størsti parturin er føddur í Danmark og Føroyum.

Tilflytingin úr Danmark er størsta orsøkin til, at undirskotið av kvinnum í føroyska samfelagnum er minkað seinastu árini. Men vøksturin millum kvinnur í suðureysturasia hjálpir eisini væl til.

Uttanfyri ríkisfelagsskapin er vøksturin nógv størstur millum kvinnur føddar í Filipsoyggjum og Tailandi.

104 fleiri kvinnur frá Filipsoyggjum búðu í Føroyum í 2017 samanborið við 2010, og 46 fleiri, sum eru føddar í Tailandi.

Á triðja og fjórða plássi liggja kvinnur føddar í Noregi og Serbia og Montenegro, men har er vøksturin bara 13 kvinnur frá 2010 til 2017.

(Kelda: Hagstova Føroya)

Kvinnur búsitandi í Føroyum skift á føðiland - 10 størstu broytingarnar í tølum
Land	2010	2017	Broyting
Føroyar	20895	21199	304
Danmark	1517	1748	231
Filipsoyggjar	45	149	104
Tailand	60	106	46
Noreg	85	98	13
Serbia og Montenegro	9	22	13
Bretland	50	61	11
Grønland	91	101	10
Kenja	2	11	9
Kina	14	23	9