Óli Mortensen silvur á 1500 metrum

14.04.2018 - 18:17
ÍtrótturSvimjing
Óli Mortensen silvur á 1500 metrum
Ungi havnamaðurin vann í dag silvur og setti samtundis persónligt met. Fleiri aðrir føroyingar hava eisini verið í hylinum hetta vikuskiftið
Mynd: © Rógvi Langgaard  
 
 

Um vikuskiftið er stóra svimjistevnan, Danish Open, á skránni í Bellahøj Svømmestadion. Teir báðir, Alvi Hjelm og Óli Mortensen, eru einastu føroysku svimjararnir, sum eru við í ár.

Óli Mortensen hevur í kvøld svomið 1500m frí. Hann gjørdist nummar tvey við tíðini 15:31.75. Hetta var samstundis klárt besta tíðin hjá Óla á 1500m á langgeil. Heili seks sekund kláraði hann at taka av gamla metinum.

Havnamaðurin var eisini í hylinum hóskvøldið, og tá eydnaðist honum at vinna silvur í 800m frí. Hann kom á mál við tíðini 8:11.77. Hetta er næstbesta tíðin hjá Óla nakrantíð á 800 metrum.

Alvi Hjelm ikki nøgdur

Fríggjakvøldið svam hin føroyingurin, Alvi Hjelm, 400m blandað. Hann gjørdist nummar fýra við tíðini 4:31.50.

Undan kappingini hevði Alvi sett sær fyri at taka gamla metið hjá sær, ið er 4:30.17. Hetta eydnaðist tó ikki, men hóast Alvi ikki slapp á sigursskammilin hesaferð, so er hetta besta tíðin hjá honum í tvey ár.

Ungi klaksvíkingurin legði annars væl frá landi og var heilt frammi í oddinum fyrstu løtuna. Seinastu 100 metrarnar dragnaði hann og kláraði ikki at fylgja við Jacob M. Jørgensen, ið smurdi alt av við tíðini 4:26.36.

Leygarmorgunin svam Alvi innleiðandi til 200m, men tað eydnaðist honum ikki at koma við í A-finaluna. Í B-finaluni kláraði Alvi tó at gerast fremstur og kom á mál við tíðini 2:09.12 .

Heiðursmerki í Bergen Swin Festival

Restin av føroyska svimjilandsliðnum skuldi er ætlan eisini vera við í Danish Open, men valdu, vegna eitt møguligt verkfall at fara til Bergen Swim Festival ístaðin.

Fríggjakvøldið vann Signhild Joensen gull í 50m rygg. Og Vár Eidesgaard vann gull fyri juniorar á 100m frí.

Fyrr í dag hevur Vár Eidesgaard aftur gjørt vart við seg og vunnið gull í 50m metrum firvald. Samstundis setti hon nýtt føroyskt juniormet við tíðini 28.44.

Eisini Rókur Trygvason setti nýtt føroyskt juniormet í 100m bringu, tá hann kom á mál við tíðini 1:06.14.

Nýggjastu sendingar í ÚV
Týsdag 25. september
HB vann FM í Klaksvík
85729
Týsdag 25. september
Sunnudagstónar 23. september 2018
85728
Týsdag 25. september
Morgunlestur týsdagur 25. september 2018
85418
Mánadag 24. september
Við Tórði á túri í Skarðsvík í Fugloy
85703
Mánadag 24. september
Norðurljóð 24.september 2018
85700
Nýggjastu sendingar í SV
Mánadag 24. september
3-2
85719
Sunnudag 23. september
Andaktin
85659
Týsdag 18. september
25 minuttir: Todi Jónsson
85504
Mánadag 17. september
3-2
85464
Sunnudag 16. september
Guðstænasta úr Vesturkirkjuni
85398