"Dukka mín er blá" best umtókti barnasangur

16.05.2018 - 09:57
Mentan
"Dukka mín er blá" best umtókti barnasangur
Sum ein liður í arbeiðinum við Barnasangbók Føroya, hava barnagarðar og vøggustovur skotið upp góðar og vælumtóktar barnasangir
 
 

Dukka mín er blá, sum Hans Andrias Djurhuus yrkti tíðliga í 20.øld, er framvegis í 2018 nógv best umtókti sangurin hjá børnum.

Sum ein liður í arbeiðinum við Barnasangbók Føroya, hevur Mentamálaráðið skrivað til barnagarðar og vøggustovur, og biðið tey skotið upp góðar og vælumtóktar barnasangir.

Og svarið frá børnunum er púra greitt. Klárt á odda er "Dukka mín er blá".

Hóast sangurin er gamal, fekk hann næstan tvífalt so nógvar atkvøður sum nummar tvey, "Eg banki, eg buki", sum er umsettur úr donskum.

Freistin var stutt, men kortini komu nógv uppskot inn úr øllum landinum. Tað vísir seg, at nógvir av teimum góðu, gomlu sangunum ganga aftur. 

Til dømis eru fleiri hjá Hans Andriasi Djurhuus á topp fimm listanum, sigur Mentamálaráðið. 

Uppskotini hjá børnunum verða nú latin nevndini, sum arbeiðir við Barnasangbók Føroya.

Bókin skal ætlandi latast fyrstu nýføðingunum seinni í ár.
 

Nýggjastu sendingar í ÚV
Leygardag 23. februar
Morgunlestur leygardagur 23. februar 2019
90860
Fríggjadag 22. februar
Síðsta Skríggj 22.februar 2019
91536
Fríggjadag 22. februar
LEITISSTEIN 22.02.2019
91535
Fríggjadag 22. februar
Pressan: Bara lúsin útlendsk er
91528
Fríggjadag 22. februar
Góðan morgun Føroyar 180219
91525
Nýggjastu sendingar í SV
Fríggjadag 22. februar
Lyst 28
91497
Hósdag 21. februar
Andri á føroyaferð (1:6)
91363
Mikudag 20. februar
Landafrøðingurin og testamentið (4:8)
90633