Ríkisfundurin byrjar í dag

Ríkisfundurin byrjar í dag
Árligi ríkisfundurin millum løgmann, grønlendska landsstýrisformannin og danska forsætisráðharran byrjar í Føroyum í dag.
 
11.06.2018 - 06:18

Grønlendski landsstýrisformaðurin og danski forsætisráðharrin eru í løtuni á vitjan í Føroyum í samband við árliga ríkisfundin.

Teir tríggir fara við fylgi at vitja í Suðuroynni og Stóru Dímun í dag. Farið verður til Suðuroyar við Smyrli í morguni. 

Vitjað verður í Salt á Drelnesi, í kirkjuni í Fámjin, á Varðanum Pelagic á Tvøroyri og í gamla kongaliga einahandlinum. Seinnapartin verður flogið við tyrlu til Stóru Dímun.  Í kvøldi er løgmaður vertur við døgurða í nýggju matstovuni Skeiva Pakkhús í Havn. 

Sjálvur ríkisfundurin verður við Leynavatn í morgin klokkan hálvgum tíggju, og tíðindafundur verður kl. 11.30. Grønlendsku og donsku gestirnir fara av landinum seinnapart í morgin.

Er kopiera
Nýggjastu sendingar í SV
Hósdag 13. mars
Always Outnumbered, Never Outgunned
189170
Mikudag 12. mars
Hondbóltur: Føroyar - Holland
189119
Mikudag 12. mars
Dagur og vika - teknmálstulkað
189087
Týsdag 11. mars
Veðrið
189035