Tikin fyri at smugla hassj

13.06.2018 - 08:19
AktueltSamfelag
Tikin fyri at smugla hassj
Tá Norrøna kom á Havnina sunnukvøldið, royndu trý ferðafólk at smugla hassj
 
 

Tríggir útlendingar blivu mánadagin varðhaldsfongslaðir í Føroya rætti fyri at royna at smugla hash til Føroya.

Tvey ferðafólk, sum komu við Norrønu til Havnar sunnukvøldið, vórðu tikin fyri at hava sløk fýra kilo av hashi í bilinum, tey høvdu við sær. Politiið metir, at hendan nøgdin hevði kunnað verið seld fyri eina millión krónur.

Tey eru varðhaldsfongslað í fýra vikur.

Eitt annað ferðafólk, sum eisini kom við Norrønu, varð tikið fyri at royna at smugla sløk 300 gramm av hashi.

Hetta ferðafólkið varð varðhaldsfongslað í 14 dagar.

Tey tiknu hvørki játta ella nokta seg sek.

Politiið kannar nú bæði málini. Tann, sum varð tikin fyri at royna at smugla sløk 300 gramm, skuldi til Danmarkar aftur sunnukvøldið við Norrønu.

Politiið heldur tí, at bæði hetta hashið og tey sløku fýra kiloini vóru ætlað til at selja í Føroyum.

Prísurin fyri hash er í miðal 250 kr. fyri grammið í Føroyum, veit politiið frá teimum, sum fáast við slíkan handil.

Nýggjastu sendingar í ÚV
Mánadag 17. desember
Sunnudagstónar 16. desember 2018
89030
Mánadag 17. desember
Góðan morgun Føroyar 171218
89020
Mánadag 17. desember
Morgunlestur mánadagur 17. desember 2018
88937
Sunnudag 16. desember
Meg minnist: Eyðun Joensen (4:4)
88463
Nýggjastu sendingar í SV
Sunnudag 16. desember
Guðstænasta úr Viðareiðis kirkju
89003
Sunnudag 16. desember
Andaktin
88998
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893