Álitiskreppa í danska politinum

14.06.2018 - 12:05
AktueltSamfelag
Álitiskreppa í danska politinum
Danski løgmálaráðharrin, Søren Pape Pousel, sigur, at allar kinesiskar vitjanir til Danmarkar síðani 1995 mugu kannast
Søren Pape Poulsen er løgmálaráðharri í Danmark
 

Álitiskreppan, sum valdar um danska politiið, má støðga, og allar kinesiskar vitjanir til Danmarkar síðani 1995 skulu tí kannast.

Tað sigur Søren Pape, løgmálaráðharri, nú ábendingar eru um, at sonevnda Tibet-málið ikki er einasta málið, har danska løgreglan helst hevur forðað fólki í at brúka sín demokratiska rætt at mótmæla.

Danmarks Radio skrivar, at eini sonevnd "taktisk boð" frá Keypmannahavnar Politiið í 2011 hava gjørt, at løgmálaráðharrin nú víðkar arbeiðssetningin hjá Tibet-kanningarnevndini til eisini at fevna um vitjanir úr Kina til Danmarkar frá 1995.

- Taktisku boðini seta spurnartekn við, hvussu politiið ætlaði at handfara møgulig mótmæli undir umrøddu vitjanini. Eisini veit Løgmálaráðið frá fjølmiðlum, at spurnartekin eisini verða sett við løgregluna viðvíkjandi almennum vitjanum úr Kina í 1995 og 2002, stendur í tíðindaskrivi frá Løgmálaráðnum.

- Tibet-málið er frammanundan ein gøla. Og nú vísir tað seg kanska at stinga djúpri. Vit kunnu ikki støðga arbeiðinum, fyrr enn vit hava vent hvørjum steini, so álitið á okkara løgreglu kann endurreisast, sigur Søren Pape Poulsen, løgmálaráðharri.
 

 
Nýggjastu sendingar í ÚV
Nýggjastu sendingar í SV
Mánadag 20. mai
3-2
94700
Sunnudag 19. mai
Andakt við Pól í Skorini
94638
Sunnudag 19. mai
Guðstænasta í Sjóvar kirkju
94640
Fríggjadag 17. mai
Andakt við Bergtóri Hjelm Bjarkhamar
94619
Fríggjadag 17. mai
Guðstænasta úr Havnar kirkju
94615