Arbeiðsvanlukka kravt eitt mannalív

22.06.2018 - 07:05
Aktuelt
Arbeiðsvanlukka kravt eitt mannalív
Ein 56 ára gamal maður læt lív í eini arbeiðsvanlukku á Varðanum Pelagic seinnapartin í gjár
 
 

Ein arbeiðsvanlukka á Varðanum Pelagic á Tvøroyri hevur kravt eitt mannalív. Løgreglan fekk fráboðanina beint eftir klokkan 16.00 seinnapartin í gjár. 

Sambært Portalinum, var talan um ein 56 ára gamlan mann, sum bleiv árendur av eini arbeiðslyftu.

Sambært vakthavandi á politistøðini, fór arbeiðseftirlitið suður í gjárkvøldið at kanna málið. 

Fólk frá Arbeiðseftirlitinum kanna nú, saman við løgregluni, arbeiðsvanlukkuna, sum hendi á Varðanum Pelagic í gjár. 

Leivur Persson, stjóri fyri Arbeiðseftirlitið, sigur, at tey fingu boðini stutt eftir klokkan 4 seinnapartin í gjár, at ein 56 ára gamal maður var yvirkoyrdur av eini lyft. 

Arbeiðseftirlitið sendi fólk suður við Smyrli í gjárkvøldið, og tey fór alt fyri eitt á staðið at gera kanningar.

Leivur Persson sigur, at tað er enn ógreitt, hvat er hent. Nógv virksemi er í gongd á Varðanum Pelagic, nú virkið verður bygt uppaftur, og tí er sannlíkt, at vitni eru, sum hava sæð tilburðin. 

Nýggjastu sendingar í ÚV
Mánadag 18. februar
Norðurljóð 18.februar 2019
91366
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Nýggjastu sendingar í SV
Mánadag 18. februar
AdAdam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375