Mál um yvirtíð í Fasta Gerðarrættin

19.07.2018 - 12:00
AktueltSamfelag
Mál um yvirtíð í Fasta Gerðarrættin
Manningin fekk ikki yvirtíð fyri allar tímarnar, sum arbeitt varð, tá eldur var í Varðanum Pelagic í fjør. Nú fer málið í Fasta Gerðarrætin.
 

Starvsmannafelagið er farið í Fasta Gerðaarættin við Lønardeildini hjá Fíggjarmálaráðnum, tí manningin á Tjaldrinum ikki fekk yvirtíð fyri allar tímarnar, ið teir arbeiddu, tá eldur var í Varðanum Pelagic í fjør.

Tjaldrið skuldi skifta manning á middegi 9. juni, men um 11 tíðina komu boð um at fara á Tvøroyri, tí eldur var í Varðanum Pelagic. Manningin helt tí fram og var verðandi umborð. Manningin slapp ikki í land aftur fyri enn klokkan 18 leygarkvøldið, tað vil siga 30 tímar eftir, at manningin skuldi verið farin í land.

Manningin fekk bara yvirtíð fyri 15 av teimum tímunum. Tað heldur Starvsmannafelagið er brot á grein 40 í sáttmálanum, at limirnir hjá felagnum umborð á Tjaldrinum ikki fingu yvirtíðarløn svarandi til siglingstíð eftir vanligari vaktarskipan umframt 30%. 

Men Lønardeildin hjá Fíggjarmálaráðnum vísir til praksis, sum er galdandi eftir øðrum sáttmálum. Til dømis hjá navigatørum og maskinmonnum, har tað stendur, at "... um skipið t.d. kemur inn dagin eftir, meira enn 24 tímar aftaná, at manningarskiftið var ætlað, men tó so tíðliga á degi, at allir sleppa heim, verður bert goldið fyri 12 tíma arbeiðið."

Henda orðing samsvarar við ta praksis, sum hevur verið brúkt á økinum fyri allar manninarbólkar, vísir Lønardeildin hjá Fíggjarmálaráðnum á.

Hetta er ikki einasta ósemjan, sum er um, hvør skal rinda í samband við eldin 9. juni í fjør. Tí eisini Tvøroyar Kommuna og Fiskimálaráðið kjakast um, hvør skal rinda rokningina fyri, at Samson hjá skipasmiðuni varð biðin um at fara suður at hjálpa til við at sløkkja eldin. Tann rokningin er 205.000 krónur.

Tvøroyrar kommuna vil ikki rinda rokningina, tí kommunan vil vera við, at eldurin í Varðanum Pelagic var so ógvisligur, at hann var á triðja tilbúgvingarstigi, og tá eigur landið at gjalda. Fiskimálaráðið viðger tað málið í løtuni.

Jan Mortensen, stjóri á Lønardeildini í Fíggjarmálaráðnum, vil ikki gera viðmerkingar til málið í dag.

 
Nýggjastu sendingar í ÚV
Hósdag 17. oktober
Breddin
100021
Hósdag 17. oktober
Nón - 17. oktober 2019
100017
Hósdag 17. oktober
Í fótafari Paulusar 21.partur
100009
Hósdag 17. oktober
Jazzofonin
100008
Hósdag 17. oktober
Góðan morgun Føroyar 171019
100003
Nýggjastu sendingar í SV
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745