664 børn í skúla fyri fyrstu ferð

07.08.2018 - 09:18
Aktuelt
664 børn í skúla fyri fyrstu ferð
Hósdagin í næstu viku fara 664 børn fyri fyrstu ferð í skúla, 642 í fólkaskúla og 22 í frískúla. skrivar Skúlablaðið.
 

Á Skúlatrøð í Klaksvík fara 60 børn í fyrsta flokk, og 47 børn fara í skúlan á Argjahamri. Hetta eru størstu skúlarnir, tá ræður um fyrsta flokk, men aðrir skúlar eru næstan eins stórir.

Í 19 skúlum er talið á teimum, sum fara í fyrsta flokk, minni enn 10. Í tveimum skúlum byrjar bara ein næmingur, skrivar Skúlablaðið.

Í fjør og fyrraárið fóru ávikavist 716 og 670 børn í fyrsta flokk. Í ár eru tey 664.  

Næsta skúlaár verða 83 næmingar í serflokki, og serflokkarnir eru níggju í tali. Størsti serflokkurin er í skúlanum á Fløtum í Havn, har verða 30 næmingar skúlaárið, sum júst er byrjað tann 1. august.

151 næmingar eru í teimum trimum frískúlunum, og 173 børn eru tilmeldað teir átta forskúlarnar.

Í skúlaárinum, sum av álvara byrjar í næstu viku, eru 6.944 næmingar í fólkaskúlanum. Teir vóru 6.864 í fjør, skrivar Skúlablaðið.

 
Nýggjastu sendingar í ÚV
Hósdag 2. juli
Kvørnin: "Voodoo Pop, Son of Fortune
110939
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Hósdag 2. juli
Ein táttur er silvur 1.partur
110923
Hósdag 2. juli
Góðan morgun Føroyar 02.07.2020
110918
Nýggjastu sendingar í SV
Hósdag 2. juli
Úr savninum: Havið ímillum 2:2
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743