Sviar í hernað móti skógareldum

07.08.2018 - 15:42
AktueltÚtheimurin
Sviar í hernað móti skógareldum
Nógvir skógareldar hava gjørt um seg í Svøríki í summar, og tað logar enn í støðum.
 

Svenska stjórnin boðar tí frá øktari tilbúgving á økinum næstu árini.

- Tað snýr seg um meira útgerð, tað snýr seg um at økja útbúgvarstigið hjá brandmonnum, og tað snýr seg um at styrkja luftbornu eldsløkkingina, sigur Morgan Johansson, sum er innanríkis- og løgmálaráðharri í Svøríki, sambært svenska sjónvarpinum, SVT.

Hann helt tíðindafund um málið fyrr í dag.

Svenska stjórnin hevur gjørt tvær niðurstøður eftir mongu skógareldarnar í summar. Stríðið móti veðurlagsbroytingunum má herðast, og so skal alt økið við eldsløkking styrkjast.

Sambært svensku stjórnin brunnu 25.000 hektarar av skógi eftir 14 døgum. Tað eru 250 ferkilometrar. Samstundis uppliva sviar heitasta summarið í 260 ár.

Hetta hevur viðført størstu avbjóðingina hjá svensku bjargartænastuni nakrantíð, sigur svenska stjórnin, sum samstundis knýtir hetta at veðurlagspolitikkinum.

- Vit mugu berjast fyri at minka útlátið. Hetta snýr seg rætt og slætt um at bjarga mannaættini, sigur Morgan Johansson, innanríkis- og løgmálaráðharri í Svøríki.

Sviar skulu á ríkisdagsval um ein mánað, og líkt er til, at veðurlagspolitikkur er settur á breddan.

 
Nýggjastu sendingar í ÚV
Týsdag 2. mars
Breddin
121056
Týsdag 2. mars
Óhoyrt: Spæl føroyskt
121054
Týsdag 2. mars
Tempo
121044
Týsdag 2. mars
Góðan morgun Føroyar 02.03.2021
121024
Nýggjastu sendingar í SV
Mánadag 1. mars
3-2
121003
Sunnudag 28. februar
TeenStreet lovsangur (5:5)
120907
Sunnudag 28. februar
Andakt við Margareth Djurhuus
120906
Sunnudag 28. februar
Guðstænasta í Christianskirkjuni
120902
Leygardag 27. februar
Flogbóltur: ÍF - Mjølnir
120899