Bussleiðin óbroytt hóast Glasir letur upp

bannari
09.08.2018 - 14:00
AktueltSamfelag
Bussleiðin óbroytt hóast Glasir letur upp
Hóast størsti skúladepil í landinum opnar í næstum á Marknagili, verður Bussleiðin í Havnini óbroytt. Tað er ein trupulleiki, heldur John Fonsdal.
 
 

Tað verður helst ein hurlivasi úti í Marknagili, nú nógv fólk skulu í skúla og til arbeiðis á Glasi við eini bussleið, sum verður óbroytt. Tað sigur John Fonsdal, sum er leiðari hjá bussleiðini í Havn. 

Um júst eina viku er fyrsti skúladagur í Føroya størsta skúla. Tá fara umleið 1500 fólk í skúla og til arbeiðis á Glasi. Tað er ein rúgva av fólki og ein rúgva av fólki, sum skulu við bussi. 

Væntar ein hurlivasa

Men bussleiðin verður júst tann sama, sum hon er nú, og tað verður ein hurlivasi, sigur John Fonsdal, leiðari hjá Bussleiðini í Havn.

- Eg vænti, at bussarnir verða ógvuliga fullir, og eg vænti ikki, at vit klára at halda ferðaætlanina, tí vegirnir verða eisini so fullir av bilum við Glasir, sigur hann og leggur aftrat, at kommunan átti at broytt bussleiðina fyri at minka um trotið í Marknagili. 

Hann heldur eitt hugskot vera, at bussleiðin verður løgd um, ið møguliga hevur við sær, at nýggjar rutur vórðu gjørdar. Tað kundi verið at minka um bussarnar í Hoydølum og leggja dentin á bussrutur við Glasir, sigur John Fonsdal.

Ferðaætlanin óbroytt

Men ferðaætlanin hjá bussunum í Havn verður óbroytt sigur Heini Eysturoy, býarverkfrøðingur hjá Tórshavnar kommunu. Hann leggur tó afturat, at um tað verður neyðugt, verður ein bussur settur inn afturat.

- Verður tað ein trupulleiki við, at nógv fólk koma klokkan 8, so seta vit helst ein buss á leiðina afturat, men vit vilja heldur síggja, hvussu leikur fer fram fyrst, sigur Heini Eysturoy.

Tað verður ikki, fyrr enn Skúlin á Fløtum letur upp í 2020, at ein nýggj bussleið kemur. Tá verður vegakervið í Marknagili eisini broytt, soleiðis at ferðslan fer at glíða betur. 

Men einki stórvegis verður broytt fyribils. Og tað er ein trupulleiki, sigur John Fonsdal, sum er leiðari hjá Bussleiðini í Havn. 

- Vit hopa bara tað, at tað ikki verður kaos, og at okkara góðu kundar ikki fara at skelda okkum, sigur hann. 

Nýggjastu sendingar í ÚV
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Mánadag 18. februar
Síðsta skríggj 15.februar 2019
91329
Sunnudag 17. februar
Meg minnist: Óli Jacobsen (1:5)
91258
Nýggjastu sendingar í SV
Mánadag 18. februar
25 minuttir: Oddfríður Marni Rasmussen
90944
Sunnudag 17. februar
Andakt við Hjørleifi Vang
91320
Sunnudag 17. februar
Gudstænasta í Hoyvíkar kirkju
91319
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270