Ferðslan út í Mykineshólm fyribils steðgað

10.08.2018 - 11:57
AktueltSamfelag
Ferðslan út í Mykineshólm fyribils steðgað
Hagastýrisformenninir saman við hiking.fo og Visit Faroe Islands boða nú frá, at ferðslan út í Mykineshólm verður fyribils steðgað.
 
 

Orsakað av váta veðrinum og nógvu gongdini út í Mykineshólm í summar, hava hagastýrisformennirnir í Mykinesi valt at avmarka atgongdina oman í Lamba og út í hólm restina av mánaðinum.

Tað stendur í tíðindaskrivi, sum Visit Faroe Islands, hiking.fo og hagastýrisformenninir í Mykines hava sent miðlunum fyrrapartin.

Gøtan ígjøgnum lundalandið úti í Lamba er so mikið illa farin, at mett verður, at tað ikki er ráðiligt hjá fólki at ganga har í løtuni, stendur at lesa í tíðindaskrivinum.

- Vøllurin er illa farin í støðum, og fyri at umganga, at hann fer verri, er neyðugt at steðga á og lata lendið fáa frið, sigur Bjarni Hansen, bóndi og hagastýrisformaður. 

Eingin sleppur út í Mykineshólm, so leingi sum gøtan er stongd.

Hagastýrisformennirnir og hiking.fo við Pól Sundsskarð, sum umsitur gjaldskipanina í oynni, hava tikið hesa avgerð í felag. Forboðið er sett í gildi í dag. Um umstøðurnar broytast, verður møgiliga latið upp aftur fyri ferðslu.

- Vit halda, tað er skilagott at lata økið fáa frið í eina tíð, og so taka vit støðu til, um man skal opna fyri ferðsluni aftur, tá ein tíð er fráliðin, sigur Pól Sundsskarð.

Enn ber tó til at fara aðrar túrar í oynni, stendur í tíðindaskrivinum.

Nýggjastu sendingar í ÚV
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Mánadag 18. februar
Síðsta skríggj 15.februar 2019
91329
Sunnudag 17. februar
Meg minnist: Óli Jacobsen (1:5)
91258
Nýggjastu sendingar í SV
Mánadag 18. februar
25 minuttir: Oddfríður Marni Rasmussen
90944
Sunnudag 17. februar
Andakt við Hjørleifi Vang
91320
Sunnudag 17. februar
Gudstænasta í Hoyvíkar kirkju
91319
Leygardag 16. februar
Mitt í náttúruni (8:9)
90208
Fríggjadag 15. februar
Lyst 27
91270