Fáa svar mánadagin

bannari
11.08.2018 - 15:41
AktueltPolitikkur
Fáa svar mánadagin
Mánadagin fáa tey, sum hava søkt um menningarkvotur, svar. Tað upplýsir fiskimálaráðið fyri Kringvarpinum.
 
 

Mánadagin fáa tey, sum hava søkt um menningarkvotur, svar. Tað upplýsir fiskimálaráðið fyri Kringvarpinum. Vinnan og politikarar hava ótolnast, men nú eru boðini tey, at menningarkvoturnar verða avgreiddar mánadagin tann 13. august. 

Kunngerðin um menningarkvotu kom í gildi tann 10. mai í ár. Hesa ferð verður bara uppisjóvarfiskur latin í menningarkvotu. Talan er um smá 41.000 tons av svartkjafti, 8.700 tons av makreli og 7.500 tons av norðhavssild. Samanlagt stív 58.000 tons av uppsjóvarfiski ella 8,5 prosent av føroysku kvotunum í ár. Menningarkvota kann latast fyri 1 ár, 2 ár, 3 ár ella 4 ár, og er hetta fyrstu ferð, at menningarkvotur skulu latast. 

Freistin at søkja um menningarkvotur var tann 28. mai í ár, og tá samanum kom vóru 38 umsóknir komnar inn.  

Sambært lógini um sjófeingi kann menningarkvota latast til menningarætlanir, sum kunnu stuðla undir virðisøking av sjófeingi í ávísum øki í landinum, har atgongd til sjófeingi er avmarkað, ella arbeiðsloysið er stórt samanborið við onnur øki í landinum, ella øki við støðugt minkandi fólkatali.

Ein metingarnevnd varð sett, sum síðani skuldi viðgera og gera tilmæli út frá teimum 38 umsóknunum um menningarkvotur, 

Metingarnevndin, sum hevur viðgjørt og gjørt tilmæli út frá teimum 38 umsóknunum, sum komnar eru ymsastaðni úr landinum, handaði Høgna Hoydal tilmæli tann 18. juli, og ætlanin var, at menningarkvoturnar skuldu verða avgreiddar áðrenn ólavsøku. Men so varð ikki. 

Í metingarnevndini sótu Gestur Hovgaard, Guðrið Andorsdóttir og Arnbjørn Egholm. Harafturat vóru trý varafólk sett. Tey eru Ásmundur Guðjónsson, Bartal Dulavík og Rúna Hjelm.

Tvær ferðir seinastu tveir mánaðarnar hevur Høgni Hoydal útsett afturlatnu uppboðssøluna av makreli og sild, tí at menningarkvotur skuldu latast, áðrenn uppboðssølurnar skulu avgreiðast. Seinast var í gjár, tá uppboðssølurnar vórðu útsettar eina viku, tað vil siga til 21. og 23. august.

Eftir øllum at døma verða uppboðssølurnar neyvan útsettar eina ferð afturat, tí nú upplýsir fiskimálaráðið fyri Kringvarpinum, at svar viðvíkjandi útlutan av menningarkvotunm er klárt og verður kunngjørt mánadagin tann 13. august. 

Nýggjastu sendingar í ÚV
Týsdag 18. desember
Jazzofonin 28. november 2018
89065
Týsdag 18. desember
Góðan morgun Føroyar 181218
89062
Týsdag 18. desember
Norðurljóð 18.desember 2018 "Jól 3"
89051
Týsdag 18. desember
Morgunlestur týsdagur 18. desember 2018
88938
Mánadag 17. desember
Við Tórði á túri á Kuba (2:2)
65140
Nýggjastu sendingar í SV
Sunnudag 16. desember
Guðstænasta úr Viðareiðis kirkju
89003
Sunnudag 16. desember
Andaktin
88998
Leygardag 15. desember
Hvat bagir? (7:8)
87239
Hósdag 13. desember
Ein dagur í sjúkrarøktini
88903
Hósdag 13. desember
Kari-Anne í Røst (6:6)
87893