Hava fingið svar um menningarkvotur

bannari
14.08.2018 - 14:49
AktueltVinna
Hava fingið svar um menningarkvotur
Tey, ið hava søkt um menningarkvotur, hava nú fingið svar. Tí verður tíðindafundur í Fiskimálaráðnum klokkan hálvgum fimm seinnapartin.
Høgni Hoydal, landsstýrismaður, hevur bjóðað til tíðindafund í samband við útlutan av menningarkvotunum týsdagin klokkan 16.30.
 
 

Innbjóðingin frá Fiskimálaráðnum er stutt - har stendur bara, at tíðindafundurin verður hildin í sambandi við menningarkvoturnar.

Við á tíðindafundinum í Fiskimálaráðnum vera Høgni Hoydal, landsstýrismaður í fiskivinnumálum, og Gestur Hovgaard, formaður í metingarnevndini, sum á ólavsøku lat landsstýrismanninum sítt tilmæli.

Tilsamans 38 umsóknir eru um at fáa menningarkvotur.

41.912 tons av svartkjafti, 8749 tons av makreli og 7510 tons av norðhavssild skulu býtast út sum menningarkvota í ár.

Menningarkvotur kunnu latast fyri 1 ár, 2 ár, 3 ár ella 4 ár.

Tó sigur kunngerðin um menningarkvotur, at av samlaðu nøgdini fyri hvørt fiskaslag skal í minsta lagi ein fjórðingur av nøgdini latast fyri eitt ár.

Menningarkvotur verða latnar við støði í grein-60 í lógini um fyrisiting av sjófeingi.

Har stendur, at ein partur av tøkari føroyskari kvotu kann verða settur av til at brúka sum liður í vinnuligum menningarætlanum kring landið. Latast kunnu í mesta lagi 8,5 % av samlaðu føroysku kvotuni av ávísa fiskaslagnum.

Víðari stendur í stykki-2, at kvota kann latast til menningarætlanir, sum kunnu stuðla undir virðisøking av sjófeingi í ávísum øki í landinum, har atgongd til sjófeingi er avmarkað, ella arbeiðsloysið er stórt samanborið við onnur øki í landinum, ella øki við støðugt minkandi fólkatali.

Í ár verður bara uppsjóvarfiskur - svartkjaftur, makrelur og norðhavssild - latin sum menningarkvota.

Tíðindafundur verður sum nevnt í Fiskimálaráðnum klokkan hálvgum fimm, og útvarpið sendir beinleiðis.

Sí eisini

Nýggjastu sendingar í ÚV
Týsdag 19. februar
Morgunlestur týsdagur 19. februar 2019
90856
Mánadag 18. februar
Norðurljóð 18.februar 2019
91366
Mánadag 18. februar
Góðan morgun Føroyar 140219
91339
Mánadag 18. februar
Morgunlestur mánadagur 18. februar 2019
90855
Nýggjastu sendingar í SV
Mánadag 18. februar
Adam & Eva (3:8)
91271
Mánadag 18. februar
Kotan til kærleika (5:8)
90505
Mánadag 18. februar
Petra skal eiga (1:8)
91267
Mánadag 18. februar
Superheilar - Peter Lund Madsen (3:3)
91264
Mánadag 18. februar
3-2
91375