Samhandilsavtala undirskrivast fríggjadagin

23.08.2018 - 17:48
AktueltVinna
Samhandilsavtala undirskrivast fríggjadagin
Føroyar og Evro-asiatiska búskaparsamveldið undirskriva semjuskjal í morgin klokkan 12.30. 
Poul Michelsen, vinnumálaráðið, skrivar formliga undir semjuskjalið í morgin.
 

Poul Michelsen, landsstýrismaður, og Tatiana Valovaya, EABS nevndarlimur og ráðharri fyri búskaparsamstarvi, skriva undir formliga semjuskjalið, sum skal vera karmur um neyvari búskaparligt samstarv og øktan samhandil millum Føroyar og limalondini í EABS. 

Tað skrivar vinnumálráðið á heimasíðu sínari.

Limalondini eru Russland, Hvítarussland, Kasakstan, Kirgistan og Armenia.

- Hetta er úrslitið av, at vit miðvíst hava arbeitt fyri at fáa handilsviðurskiftini við limalondini í EABS í eina fastari legu enn í dag - serliga við Russland. Okkara næsta mál tí viðvíkjandi er ein fríhandilssáttmáli, sigur Poul Michelsen, landsstýrismaður.

Umframt at undirskriva semjuskjalið, skal Tatiana Valovaya hitta umboð fyri landsstýrið fyrrapartin í morgin. 

Seinnapartin er tiltak í Vinnuhúsinum, har høvi verður hjá áhugaðum fyritøkum at fáa kunning um møguleikarnar fyri samstarvi við EABS.

Leygardagin verður millum annað vitjað í Fámjin, í Froðba, í Salti, hjá Varðanum Pelagic og í Kirkjubø.

Tatiana Valovaya kemur til Føroya í kvøld og fer avstað aftur sunnudagin.

 
Nýggjastu sendingar í ÚV
Leygardag 11. juli
Kjakaríið: Heini, Ester og Høgni
111286
Leygardag 11. juli
Miskunnarleysir dagar í Hamburg
111045
Leygardag 11. juli
Føroyingar álopnir úr luftini
111275
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281