Rokningin ikki goldin enn

24.08.2018 - 14:53
Aktuelt
Rokningin ikki goldin enn
Rokningin, sum Mest hevur sent Tvøroyrar kommunu fyri at lata Samson vera við at sløkkja eldin á Varðanum Pelagic, er enn ikki goldin.
Samson var við til at sløkkja eldin á Varðanum Pelagic í fjør summar.
 

Landsstýrið hevur eftirlit við kommununum og skal vegleiða tær.

Fiskimálaráðið, sum er samskipari í tilbúgvingarmálum í Føroyum, bað tí týsdagin Tvøroyrar kommunu og skipasmiðjuna Mest koma á fund um rokningina frá Mest fyri at lata bátin Samson vera við, tá eldurin í Varðanum Pelagic í fjør summar varð sløktur.

Annar parturin svaraði, at tað var í lagi, men hin parturin hevur ikki svarað enn. Tí er ikki greitt, nær fundurin verður. 

Mest sendi Tvøroyrar kommunu eina rokning fyri Samson. Rokningin er 205.000 kr.

Tvøroyrar kommuna vil ikki gjalda, tí kommunan heldur uppá, at eldurin var so stórur, at hann fer upp á triðja stig í tilbúgvingini. Tá so er, eigur landið at taka við, sigur kommunan.

Tað heldur landið ikki. Og Fiskimálaráðið vil tí heldur ikki gjalda rokningina frá Mest, millum annað tí, at landið bað ikki um, at Samson fór á Tvøroyri at sløkkja.

Fiskimálaráðið hevur nú biðið Tvøroyrar kommunu og Mest um at koma á fund at greiða frá sínum sjónarmiðum.
 

 
Nýggjastu sendingar í ÚV
Mikudag 16. oktober
Nón - 16. okt. 2019
99960
Mikudag 16. oktober
Áðrenn Elvis: Elligamal tónleikur
99951
Mikudag 16. oktober
LEITISSTEIN 14.10.2019 (1t)
99923
Mikudag 16. oktober
LEITISSTEIN 14.10.2019 (2t: GRACE 25 ÁR)
99922
Mikudag 16. oktober
Morgunlestur mikudagur 16. oktober 2019
99845
Nýggjastu sendingar í SV
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826
Sunnudag 13. oktober
Guðstænasta úr Argja kirkju
99828
Hósdag 10. oktober
Suni Merkistein hittir Bob Geldof
99745
Mikudag 9. oktober
Fótbóltur: Føroyar - Norra (kvinnur)
99695