Nú er oljutangakunngerðin komin

14.09.2018 - 08:20
AktueltSamfelag
Nú er oljutangakunngerðin komin
Í kunngerðini eru krøv til teirra, sum eiga oljutanga, til oljuveitarar, tað eru oljufeløgini, og til teirra, sum innflyta og selja oljutangar.
 
 

Hon hevur verið leingi á veg, í meira enn 11 ár, men nú er so komin, kunngerðin, sum skal byrgja fyri dálking frá oljutangum.

Kunngerðin er galdandi fyri tangar, sum taka upp til 6.000 litrar av olju.

Í kunngerðini eru krøv til teirra, sum eiga oljutanga, til oljuveitarar, tað eru oljufeløgini, og til teirra, sum innflyta og selja oljutangar.

Fyri 1. januar 2022 skulu kommunurnar í Føroyum skráseta allar oljutangar.

Kunngerðin sigur, at tangar, sum hava tæringarverju innan, kunnu brúkast í mesta lagi í 40 ár. Aðrir stáltangar skulu takast úr nýtslu, tá teir eru 30 ár.

Tangar úr øðrum tilfari enn stáli halda í 25 ár, tó kunnu tangar, har uttari veggurin er úr stáli, brúkast í 40 ár.

Aðrir tangar skulu takast úr nýtslu í seinasta lagi 20 ár eftir, at teir eru gjørdir.

Hesar freistir eru galdandi fyri oljutangar, sum standa yvir jørð. Niðurgrivnir tangar kunnu brúkast tíggju til fimtan ár longur.

Kunngerðin hevur eisini ásetingar um tangar, sum ikki eru góðkendir og annars eru ókendir.

Fyri 1. januar 2024 skulu slíkir tangar takast úr brúki, um húsini eru bygd fyri 1960 ella í 1960.

Aðrar freistir eru eisini. Eru húsini bygd í 2001 ella seinni, skulu fólk gevast at brúka tangan í seinasta lagi fyri 2028.

Harafturat eru krøv um, at oljutangar skulu verða góðkendir, hvussu teir verða settir upp og grivnir niður, og um at skráseta tangar.

Í apríl 2016 vísti yvirlit hjá Umhvørvisstovuni, at 5.000 av teimum 18.000 sethúsaoljutangunum í Føroyum vóru eldri enn 20 ár.

Nýggjastu sendingar í ÚV
Hósdag 22. november
Morgunlestur hósdagur 22. november 2018
88031
Mikudag 21. november
Jógvan Arge ítróttarfrásøgumaðurin
88018
Mikudag 21. november
Góðan morgun Føroyar 20. 11. 2018
88007
Mikudag 21. november
Góðan morgun Føroyar 211118
88004
Mikudag 21. november
Áðrenn Elvis 20. nov. 2018
87993
Nýggjastu sendingar í SV
Hósdag 22. november
Kari-Anne í Røst í Lofoten (3:6)
87887
Mikudag 21. november
25 minuttir: Høgni Rasmussen
87753
Mikudag 21. november
Tá lívið skiftir kós (5:7)
87221
Mikudag 21. november
Tíð at liva (4:6)
87921
Mánadag 19. november
3-2
87924