Magni Mohr fekk ársins Miðlaheiðursløn

30.09.2018 - 10:05
AktueltHeilsa
Magni Mohr fekk ársins Miðlaheiðursløn
Á Vísindavøkuni varð kunngjørt, at Magni Mohr fekk ársins miðlaheiðursløn fyri framúr góða almenna miðling av gransking.
Magni Mohr og Jón Brian Hvidtfeldt.
Mynd: Gransking.fo  
 

Hetta er sættu ferð, at Granskingarráðið lat heiðurslønina fyri framúr góða almenna miðling av gransking. Hesa ferð gjørdist vinnarin Magni Mohr, skrivar gransking.fo

Ein dómsnevnd valdi millum tey uppskot, sum vóru komin inn. Hon er sett saman av einum umboði fyri Føroysk Miðlafólk, einum umboði fyri Fróðskaparsetrið og einum umboði fyri Granskingarráðið. Hesi eru Jón Brian Hvidtfeldt, Anna Katrin Matras og Dagmar Joensen-Næs.

Jón Brian Hvidtfeldt avdúkaði at Magni Mohr fekk ársins heiður. Í grundgevinigi stóð millum annað, at Magni Mohr á fyrimyndarligan hátt leyk tey trý krøvini til heiðurslønina, sum vóru miðling á einum høgum stigi til ein breiðan skara, íkast til at økja fatanina av gransking í samfelagnum, og fangandi og kjakkveikjandi miðling.

Magni Mohr er granskari, rithøvundur og ítróttarserfrøðingur. Hann er útbúgvin cand. scient í ítrótti og hevur ph.d. frá Københavns Universitet. Hann hevur starvast sum granskari á universitetum í Danmark, Svøríki og Onglandi og varð í mai 2014 settur í starv á Fróðskaparsetri Føroya sum lektari í heilsuvísindum. Magni hevur eisini verið knýttur at venjaratoyminum hjá Juventus, Chelsea og danska fótbóltslandsliðnum.

Magni er sera virkin sum granskari og hevur millum annað staðið á odda fyri einari ítróttargranskingarverkætlan, har 80 kvinnur í aldrinum 35 til 50 ár, sum ikki íðkaðu nakran ítrótt, regluliga vórðu kannaðar.

Dómsnevndin legði eisini dent á, at Magni Mohr er sera virkin í almenna kjakinum, og at hann eisini hevur áhuga fyri gransking á øðrum økjum enn sínum egna. Hann dugir væl at skilja millum vísindaliga miðling av gransking og miðling til almenningin og er sera ágrýtin og virkisfúsur.

 

Umframt heiðursbræv fær Magni Mohr 5.000 kr.

Tey, sum áður hava fingið virðislønina eru:

2012: Dorete Bloch
2013: Pál Weihe
2014: Kári Sólstein
2015: Bogi Hansen
2017: Jens-Kjeld Jensen

Er kopiera
Nýggjastu sendingar í ÚV
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Hósdag 23. september
Góðan morgun Føroyar 23.09.2021
128941
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699