Fútin sendir málið til ríkisadvokatin

11.10.2018 - 14:32
AktueltSamfelag
Fútin sendir málið til ríkisadvokatin
Tað verður ríkisadvokaturin, sum skal gera av, um Óli Breckmann skal ákærast fyri at bróta grein 266B.
Tað var í Andøvsløtuni á rásini R7, at Óli Breckmann kallaði forsetan í Norður-Korea fyri eitt skeivoygt sosialistiskt knetti.
 
 

Ríkisadvokaturin ger av, um Óli Breckmann skal ákærast fyri at bróta grein 266B, tí hann á útvarpsrásini R7 kallaði forsetan í Norður-Korea fyri eitt skeivoygt sosialistiskt knetti.

Erling Eidesgaard meldaði Óli Breckmann fyri orðavalið. Hetta var í mars.

Fyrst í næstu viku sendir fútin málið til Ríkisadvokatin við einum tilmæli haðani. Hvat tað tilmælið er, vil Linda M.  Hesselberg, varafúti, ikki upplýsa. 

Í Danmark sendir politiið nøkur slík mál til Statsavokatin at taka støðu til.

Í Føroyum er fútin eisini statsadvokatur, so tí verður málið sent Ríkisadvokatinum.

At málið nú verður sent Ríkisadvokatinum, merkir, at fútin tekur málið í álvara.

Grein 266B í revsilógini sigur, at tann, sum alment ella við størri útbreiðslu í hyggju, setir fram útsøgn ella boðskap, ið hóttir, spottar ella eyðmýkir persónsbólk orsakað av rasu, húðarliti, tjóðskaparligum ella etniskum uppruna, trúgv, kynsligum samleika ella breki, verður revsaður við sekt ella fongsli í upp til tvey ár.

Nýggjastu sendingar í ÚV
Mikudag 12. desember
Valstríð og grundgevingar
88868
Mikudag 12. desember
Jóngerð Midjord er gestur í Dansivali
88855
Mikudag 12. desember
Mono 12 des 2018
88849
Mikudag 12. desember
Leygardagur 08.12.18
88848
Mikudag 12. desember
Góðan morgun Føroyar 111218
88844
Nýggjastu sendingar í SV
Sunnudag 9. desember
Andaktin
88722
Sunnudag 9. desember
Møti úr Betesda í Klaksvík
88713
Leygardag 8. desember
Hvat bagir? (6:8)
87235
Fríggjadag 7. desember
Lyst 24
88747
Fríggjadag 7. desember
Úr savninum: Flak til tann kræsna 4:5
88668