Danmark limur í ST-mannarættindaráðnum

13.10.2018 - 10:06
AktueltSamfelag
Danmark limur í ST-mannarættindaráðnum
Danmark er nú limur í mannarættindaráðnum hjá ST fyri fyrstu ferð, og danski uttanríkisráðharrin fegnast.
 

Danmark er nú limur í mannarættindaráðnum hjá ST. Danmark fekk 167 atkvøður fyri at gerast limur í mannarættindaráðnum, tá tað í gjár varð atkvøtt á aðalfundi hjá ST í New York.

Hetta er fyrstu ferð, at Danmark tekur sæti í ráðnum, sigur danska uttanríkismálaráðið í tíðindaskrivi. 

Anders Samuelsen, uttanríkisráðharri, er bjartskygdur um limaskapin. 

- Ráðið kann virka í støðum, sum ST-trygdarráðið ikki kann. Til dømis í Myanmar og Sýria, og hetta ætla vit sum limur at gera nakað við, sigur hann. Harumframt vilja vit, at Ísrael skal handfarast sum eitt land á jøvnum føti við øll onnur lond í heiminum, sigur hann.

Limaskapurin fær gildi tann 1. januar 2019.

Fyrr í ár fór USA úr mannarættindaráðnum. Sambært amerikansku sendikvinnuni, Nikki Haley, livir ráðið ikki upp til navnið, og hon fanst at ráðnum fyri at vera ein sleiskur og ráksnúgvin felagsskapur, sum heldur fólk fyri gjøldur.

ST-mannarættindaráðið varð stovnað í 2006. Endamálið hjá ráðnum er at tryggja og styrkja mannarættindi hjá øllum heimsins borgarum. Í ráðnum eru 47 limalond, sum sita trý ár í senn. 

Funnist hevur ofta verið at ráðnum. Ein týdningarmikil orsøk er, at lond, sum er kend fyri at bróta mannarættindini, kunnu eisini veljast í Mannarættindaráðið.

Er kopiera

Sí eisini

14.06.18
81883
22.12.17
75818
Nýggjastu sendingar í ÚV
Leygardag 24. juli
Morgunlestur leygardagur 24. juli 2021
126391
Fríggjadag 23. juli
Morgunlestur fríggjadagur 23. juli 2021
126390
Hósdag 22. juli
UFO Kjallarin og Rapportin 16
126810
Hósdag 22. juli
Morgunlestur hósdagur 22. juli 2021
126389
Nýggjastu sendingar í SV
Leygardag 24. juli
5mf gentur, norðoyastevna 2021
126880
Leygardag 24. juli
Video: 10mf, norðoyastevna 2021
126879
Leygardag 24. juli
Video: 8mf menn, norðoyastevna 2021
126878
Leygardag 24. juli
Video: 5mf dreingir, norðoyastevna 2021
126876
Leygardag 24. juli
5mf kvinnur, norðoyastevna 2021
126875