Sverri Hansen tikið seg úr Búskaparráðnum

Sverri Hansen tikið seg úr Búskaparráðnum
Við verandi samanseting av Búskaparráðnum ynski eg at siga meg úr Búskaparráðnum, skrivar Sverri Hansen í telduposti til Fíggjarmálaráðið.
 
19.10.2018 - 12:14

"Við verandi samanseting av Búskaparráðnum ynski eg at siga meg úr Búskaparráðnum."

Soleiðis skrivar Sverri Hansen í telduposti til Fíggjarmálaráðið í gjár, tá hann boðar Fíggjarmálaráðnum frá, at hann fer frá sum formaður í Búskaparráðnum.

Í teldupostinum til Fíggjarmálaráðið skrivar Sverri Hansen:

"Undirritaði hevur verið formaður í Búskaparráðnum síðani tíðliga í 2013 og verið við at skrivað 11 búskaparfrágreiðingar.

Við verandi samanseting av Búskaparráðnum ynski eg at siga meg úr Búskaparráðnum."

Vit hava roynt at fingið fatur á Sverra Hansen, men tað hevur ikki eydnast okkum.

Hinir limirnir í Búskaparráðnum eru Djóni Højgaard og Ester Hansen.

Ester Hansen hevur verið í Búskaparráðnum síðani januar 2017.

Djóni Højgaard hevur verið limur í Búskaparráðnum síðani 1. februar í ár.

Sverri Hansen hevur verið formaður í Búskaparráðnum síðani 2013. 

Búskaparráðið varð skipað av nýggjum í 2016, og Sverri Hansen helt fram sum formaður.

Búskaparráðið hevur tríggjar limir, sum landsstýrið setir eftir tilmæli frá stýrinum fyri Fróðskaparsetri Føroya. Limirnir eru valdir fyri eitt fýraáraskeið. Ráðið skipar seg sjálvt við einum formanni. Limirnir í Búskaparráðnum skulu hava útbúgving sum búskaparfrøðingar.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585