Flott úrslit í Montenegro

24.10.2018 - 17:58
ÍtrótturHondbóltur
Flott úrslit í Montenegro
Føroyar spældu javnleik ímóti Montenegro í EM-undankappingardysti í hondbólti
Mynd: © hsf.fo  
 

Tað gekst væl betri enn væntað í dystinum hjá føroyska hondbóltslandsliðnum ímóti Montenegro.

Dysturin endaði við javnleiki 24-24. Í hálvleikinum vóru Føroyar á odda 15-10.

Montenegro kom ikki upp á javnleik fyrr enn 15 minuttir vóru spældir av seinna hálvleiki.

Tá 47 minuttir vóru spældir fór Montenegro fram um á fyrsta sinni í dystinum, 19-18.

Tá bara fýra minuttir vóru eftir, var Montenegro á odda við trimum málum, 24-21, men føroyingarnir hildu á at stríðast.

Tá fá sekund vóru eftir av dystinum var Montenegro á odda 24-23, og teir høvdu eisini bóltin.

Niklas Simonsen bjargaði skotinum frá einum púra fríum spælara, og so vóru Føroyar í álop.

Rói Berg Hansen javnaði til 24-24 við síðsta kastinum í dystinum.

Montenegro-Føroyar 24-24 (10-15)

Rói Berg Hansen 6 mál
Jónas Gunnarson Djurhuus 6 mál
Allan Norðberg 3 mál
Nicklas Selvig 3 mál
Rúni Vest Højgaard 3 mál
Helgi Hildarson Hoydal 2 mál
Kjartan Johansen 1 mál

Føroyar spæla aftur EM-undankappingardyst leygardagin ímóti Danmark í Skjern.

Hóast dysturin er í Danmark, so eru tað Føroyar, ið eru á heimavølli.

Hondbóltslandsliðið sleppur ikki at spæla sínar heimadystir í Føroyum, tí evropeiska hondbóltssambandið góðkennir ikki hallirnar. 

Dysturin millum Føroyar og Danmark verður vístur beinleiðis í sjónvarpinum. Vit byrja klokkan 14.55.

 

 

 

 

 

 

Sí eisini

Nýggjastu sendingar í ÚV
Sunnudag 23. februar
Minnismyndir: Bergtóra Jacobsen (2:2)
104055
Sunnudag 23. februar
Guðstænasta í Vágs kirkju
105163
Sunnudag 23. februar
Credo: Altjóða kvinnubønardagur.
105116
Leygardag 22. februar
Á Quiztinum - 6. innleiðandi umfar
105136
Nýggjastu sendingar í SV
Leygardag 22. februar
Flogbóltur: Mjølnir - SÍ
105160
Leygardag 22. februar
Flogbóltur: SÍ - Mjølnir
105161
Hósdag 20. februar
Hyggjuráðið
105088