Politiska støðan framvegis ógreið

31.10.2018 - 12:13
AktueltPolitikkur
Politiska støðan framvegis ógreið
Eingin vil enn siga nakað um, um Framsókn fer at taka uppskotið um at útseta kvotuskipanina í eitt ár, aftur.
 

Politiska støðan er framvegis ógreið, og eingin vil enn siga nakað um, um Framsókn fer at taka uppskotið um at útseta kvotuskipanina í eitt ár, aftur. Tað hevur Aksel V. Johannesen, løgmaður, annars heitt á flokkin um at gera.

Tað kann bara gerast, tá tingið er saman, og tingfundur verður fríggjadagin.

Ruth Vang sum saman við Honnu Jensen legði uppskotið fram, vil ikki gera viðmerkingar til støðuna, og sigur at støðan er tann sama, sum hon hevur verið.

Heldur ikki Poul Michelsen, formaður í Framsókn, vil gera nakrar viðmerkingar til støðuna. Hann sigur kortini so mikið, at formenninir í samgonguflokkunum hava ikki tosað saman, men at tað helst verður gjørt ein av fyrstu døgunum.

Høgni Hoydal, landsstýrismaður, vil heldur ikki gera almennar viðmerkingar til støðuna. Hann sigur, at arbeitt verður saman við vinnuni fyri at gera eina umsitingarætlan fyri fiskiskapin við Føroyar. Og ein partur av tí arbeiðinum er spurningurin um kvotur ella fiskidagar. Meir vil hann ikki siga í løtuni.

Floksformenninir í samgonguni eru allir á norðurlandaráðsfundi í Oslo og koma aftur til Føroya í kvøld.

Vit hava eisini roynt at fingið orðið á Aksel V. Johannesen løgmann og formann í Javnaðarflokkinum, men til fánýtis.

 
Nýggjastu sendingar í ÚV
Týsdag 22. oktober
Breddin
100179
Týsdag 22. oktober
LEITISSTEIN 21.10.2019
100168
Týsdag 22. oktober
Góðan morgun, Føroyar 22. oktober 2019
100166
Týsdag 22. oktober
Góðan morgun, Føroyar 21. oktober 2019
100164
Nýggjastu sendingar í SV
Týsdag 22. oktober
Ræðsla í gomlum læknahúsum
100158
Mánadag 21. oktober
3-2
100128
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta í Eiðis kirkju
100076
Hósdag 17. oktober
Flaggsigling 2019 1:2
100020