Til Spania at mótmæla

04.11.2018 - 21:14
AktueltPolitikkur
Til Spania at mótmæla
Magni Arge og fleiri fólkatingslimir fara í vikuni til Spania at mótmæla, at fleiri katalanskir politikarar enn eru fongslaðir
Magni Arge hevur áður verið aktivur stuðul hjá katalansku loysingarrørsluni - her avmyndaður saman við Carles Puigdemont í fólkatinginum fyrr í ár
 

Tað skrivar Magni Arge á facebook vanganum hjá sær. Hann skrivar m.a. "Í vikuni fara fleiri tingfólk suður til Katalonia at vitja fongslaðu tingfólkini. Sjálvur fari eg í ferðalag við Pelle Dragsted og Evu Flyvholm at vitja Carme Forcadell og Raul Romeva, sum ákærin eisini vil fongsla í 17 ár.

Við okkum hava tit eisini undirskriftir frá tingfólki úr øllum Norðurlondum, sum mótmæla sponsku handfaringina av politiskum mótstøðufólki."

Ákærurit

Orsøkin til norðurlendska mótmæli er, at spanski ákærin í gjár loksins legði fram ákæruritið móti nøkrum av teimum, sum skipaðu fyri fólkaatkvøðuni um loysing í spanska landslutinum Katalonia í 2017. Grundlógardómstólurin í Spania metti fólkaatkvøðuna at vera í stríð við sponsku grundlógina og fleiri av teimum, sum vóru við til at skipa fyri fólkaatkvøðuni hava varðhaldsfongslað líka síðani.

Atfinningar

Spanska stjórnin hevur verið fyri ógvusligum atfinningum fyri harðrendu atferðina móti bæði veljarum og katalansku loysingarpolitikarum á fólkaatkvøðuni. Katalansku politikararnir í varðhaldi eru m.a. ákærdir fyri at mæla fólki til uppreistur. Fær ákæruvaldið viðhald í ákæruni, kunnu einstakir av teimum ákærdu politikarunum fáa upp til 25 ára fongsulsrevsing.

Óhoyrt

"Tað er fullkomiliga óhoyrt at fara soleiðis við politiskum mótstøðufólki í Evropa og heilt óskiljandi, at vesturheimurin kollektivt letur eygu og oyru aftur fyri tílík grov brot á grundleggjandi demokratiskar reglur og mannarættindi.

Men soleiðis er støðan nú." skrivar Magni Arge, fólkatingslimur fyri Tjóðveldi

 
Nýggjastu sendingar í ÚV
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Hósdag 19. september
Mono: Filmstónar - Snjóhvíta
98917
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618