Laksaframleiðslan sama útlát sum Keypmannahavn

bannari
09.11.2018 - 11:47
AktueltVinna
Laksaframleiðslan sama útlát sum Keypmannahavn
Føroyska alivinnan dálkar illa og hevur stóra ávirkan á umhvørvið í firðunum kring landið. Tað kom fram í sendingini "Undir laksin".
Úr sendingini: Undir laksin.
 
 

Føroyska alivinnan dálkar illa og hevur eftir øllum at døma stóra ávirkan á umhvørvið í firðunum kring landið. Tað er ein av niðurstøðunum í sendingini "Undir laksin", sum varð send í sjónvarpinum í gjárkvøldið.

Har kom millum annað fram, at hvørt samdøgur koma fimm tons av lívrunnum avfalli undan einum vanligum alibrúki við 5.000 tonsum av fullvaksnum laksi:

Umhvorvisdalking_undir_laksin

Nøgdirnar av skarni frá alilaksi, sum eru nevndar í sendingini, byggja á metingar og útrokningar hjá Umhvørvisstovuni.

Álvarslig árin á djóralívið undir vatnskorpuni

Á havbotninum liva djór, sum kunnu liva av skarni, og sum fyrst kunnu nørast undir aliringunum, tá smolt er sett út.

Men tá laksurin veksur, veksur nøgdin av skarni - og tá fara botndjórini at trívast verri. Tí lívrunnið tilfar, skarn og fóður brúka ilt at verða niðurbrotið, og tí verður minni ilt hjá botndjórum at liva av, eitt nú hummara og øðrum krabbadjórum, sum rýma úr økinum, men eisini vanligur fiskur rímur.

Smærri djór brúka minni ilt og tola tí meiri dálking, men sambært sendingini rýma tey eisini undan dálkingini undir ringunum. Eitt av álvarsamastu dálkingarevnunum er bakterian begiatoa, sum ofta verður staðfest undir føroyskum aliøkjum:

Dalking,_begeatoa2

Ov lítil vitan á økinum

Men tað er ikki bara nógva dálkingin, sum er ein avbjóðing, tí vitanin um vistskipanina í føroysku firðunum er alt ov lítil og avmarkað, sigur Knút Simonsen, granskari, á Fiskaling, sum í sendingini eftirlýsir tøl.

- Bulurin av tí vitan, vit hava í dag, er frá, tá Havstovan gjørdi eitt eintak, sum varð kallað fyri "Fiskirannsóknir", sum kom út í 1990, sigur Knút Simonsen. 

Sostatt er frægasta vitanin um vistskipanina í føroysku firðunum er næstan 30 ára gomul. 

Hygg eftir sendingin "Undir laksin" her

Nýggjastu sendingar í ÚV
Hósdag 17. januar
Góðan morgun Føroyar 170119
90059
Hósdag 17. januar
Morgunlestur hósdagur 17. januar 2019
89869
Mikudag 16. januar
Nón - 16.01.19
90038
Mikudag 16. januar
Góðan morgun Føroyar 160119
90025
Nýggjastu sendingar í SV
Hósdag 17. januar
HAS#TAG (1:4)
90053
Hósdag 17. januar
Hassans hendur (2:4)
90024
Hósdag 17. januar
Bóndin (2:7)
89919
Mikudag 16. januar
Úr savninum: Føroyskt bátasmíð
90005
Mikudag 16. januar
Team Bachstad á ferð (3:6)
90014