Veit ikki, hvussu nógv samkynd eru gift í Føroyum

09.11.2018 - 07:03
AktueltSamfelag
Veit ikki, hvussu nógv samkynd eru gift í Føroyum
Broytingarnar í hjúnabandsbókini og vígslubrævinum í Føroyum vórðu gjørdar í Danmark
Tá fólk verða vígd borgaraliga, verður kyn teirri ikki skrásett.
 

Heilsu- og innlendismálaráðið veit ikki, hvussu nógv samkynd eru gift í Føroyum, síðani tað bar til 1.juli í fjør.

Ráðið hevur spurt kommunur og sýslumenn, sum hava loyvi til at gifta fólk borgaraliga.

Í flestu førum hevur ráðið fingið at vita, at eingi samkynd eru gift.

Har kommuna hevur gift fólk við sama kyni, hevur Heilsu- og innlendismálaráðið fingið upplýst, at tá fólk verða borgaraliga vígd, verður ikki skrásett, hvat kynið er.

Tí hevur ikki verið møguligt at fáa at vita, hvussu nógv við sama kyni eru gift í Føroyum.

Maki 1 og maki 2

Sirið Stenberg, landsstýriskvinna, hevur svarað skrivligum fyrispurningni frá Jógvani á Lakjuni, løgtingsmanni.

Sirið Stenberg sigur eisini, at danir broyttu orðingina í hjúnabandsbókini. Har stóð til 1.juli í fjør kvinnan og maðurin. Nú stendur maki 1 og maki 2.

Hetta kann tó broytast aftur, nú føroyingar á ólavsøku í ár yvirtóku familjurættin, sigur Sirið Stenberg, sum tó ikki umsitur málsøkið longur.

Tað er flutt til Almannamálaráðið.

Ein onnur broyting, sum danskir myndugleikar gjørdu í fjør, er, at nú stendur ikki longur maður og kvinna í vígslubrævinum, men bara nøvn teirra, sum eru gift.
  
 

 
Nýggjastu sendingar í ÚV
Fríggjadag 20. september
TEMPO úr dvala
98968
Fríggjadag 20. september
Pressan: Jenis av Rana og Kringvarpið
98960
Fríggjadag 20. september
Morgunlesturin fríggjamorgunin 20. september 2019
98627
Hósdag 19. september
Nón - 19. september 2019
98928
Hósdag 19. september
Mono: Filmstónar - Snjóhvíta
98917
Nýggjastu sendingar í SV
Mánadag 16. september
Móttøka í Tinganesi
98789
Mánadag 16. september
3-2
98799
Sunnudag 15. september
Guðstænasta úr Kollafjarða kirkju
98752
Sunnudag 15. september
Andakt við Randi Froyseth
98749
Fríggjadag 13. september
Kaj Klein konsert í Maggies
98618