Stendur í botni millum Lønardeild og ljósmøður

Semingsstovnurin tosaði við Lønardeildina hjá Fíggjarmálaráðnum um sáttmálatrætuni á Føðingardeildini seinnapartin í gjár.

Men har er avgjørt einki, sum fær Semingstovnin at kalla partarnar saman aftur, sigur Terje Siguðsson, semingsmaður.

Hann leggur dent á, at Ljósmøðrafelagið ella Lønardeildin eiga næsta leik. Annar teirra ella báðir partar noyðast at kalla Semingsstovnin saman aftur.

Semingsstovnurin ger tað ikki av sínum eintingum.

Fyrrapartin í morgin kl.10.00 verður seming millum Skipara- og navigatørfelagið og Lønardeildini um limirnar hjá Skipara- og navigatørfelagið hjá Strandfaraskipum landsins og Havstovuni.

Terje Sigurðsson sigur, at møguliga enda hendar semingsroyndin við semingsuppskoti.