Føroya Tele ætlar at geva skotskum oyggjum 5G

21.11.2018 - 08:05
AktueltTøkni
Føroya Tele ætlar at geva skotskum oyggjum 5G
Men loyvi krevst frá bretsku stjórnini til tess
Úr Lerwick, høvuðsstaðnum í Hetlandi.
 

Føroya Tele ætlar framvegis at geva hetlendingum betri internetsamband og fartelefonsamband.

Nú er ætlanin at geva teimum 5G samband, sum er skjótasta sambandið nú.

Fólk frá Føroya Tele hava verið í Hetlandi og løgdu fram ætlanina um 5G, skriva Shetnews. 

Loyvi krevst

Forstjorin í Shetland Islands Council, sum er landspartastjórnin í Hetlandi, Maggie Sandison, sigur við Shetnews, at bretska stjórnin og tann skotska skulu spyrjast fyrst.

Loyvi krevst, um Føroya Tele skal arbeiða í Hetlandi.

Marvin Smith í Shetland Telecom ivast tó í, at bretska stjórnin gevur slíkt loyvi.

Ein talsmaður fyri Orkney Islands Council váttar fyri Shetnews, at Føroya Tele eisini hevur lagt uppskot um 5G fyri ráðið.

Til Føroya næsta summar

5G er ikki í Bretlandi sum er.

25.oktober boðaði Føroya Tele frá, at á sumri næsta ár verður 5G í Føroyum.

Føroya Tele og Huawei hava gjørt avtalu um, at farnetið hjá Føroya Tele verður raðfest millum tey fyrstu í øllum heiminum at fáa nýggjasta ættarliðið av farnettøkni, so 5G er á veg.

Verkætlanin er longu farin av bakkastokki, og í januar næsta ár fer sjálvt arbeiðið í gongd. 

 
Nýggjastu sendingar í ÚV
Leygardag 16. januar
Morgunlestur leygardagur 16. januar 2021
118608
Fríggjadag 15. januar
Óhoyrt
118999
Fríggjadag 15. januar
Nón 15. januar 2021
118998
Fríggjadag 15. januar
Góðan morgun Føroyar 15.01.2021
118967
Nýggjastu sendingar í SV
Mikudag 13. januar
Mentanarvirðislønir landsins 2020
118890
Mánadag 11. januar
3-2
118764
Mánadag 11. januar
Í luftini við Raske Drenge
118754
Sunnudag 10. januar
Andakt við Jens Bech
118703