- Mugu javnseta allar útleigarar

21.11.2018 - 08:03
Aktuelt
- Mugu javnseta allar útleigarar
Feløg, sum leiga íbúðir, kunnu ikki kappast við privatpersónar, sum fáa 150.000 kr. í leiguinntøku skattafrítt, sigur Gordon Rajani, stjóri í Mark
 

Privatir og vinnuligir útleigarar eiga at verða á jøvnum føti. 

Tí eigur skattafría markið upp á 150.000 krónur fyri langtíðarleigu eisini at verða galdandi fyri partafelag, og ikki bara privatpersónar.

Tað sigur Gordon Rajani, stjóri í Mark, sum hevur bygt íbúðir við Marknagilsvegin í Havn.

Avleiðingin av uppskotinum hjá Kristinu Háfoss, landsstýriskvinnu í fíggjarmálum, er, at vinnuligir útleigarar skulu kappast við privatar útleigarar, sum ikki rinda skatt.

Mark og onnur feløg kappast við kjallaraíbúðir og líknandi leigumál, og feløg, sum leiga íbúðir, kunnu ikki kappast við privatpersónar, sum fáa 150.000 kr. í leiguinntøku skattafrítt.

Er endamálið at fáa fleiri langtíðarleiguíbúðir, er einfalda loysnin at javnseta allar útleigarar, bæði privatar og vinnuligar, sigur Gordon Rajani.

Hann sigur, at verður uppskotið samtykt óbroytt, noyðist Mark at steðga verkætlanum, sum eru á veg, tí íløgurnar eru gjørdar undir skeivum fortreytum. 

Kristina Háfoss sigur í viðmerkingunum til uppskotið, at endamálið er at gera tað skattafrítt hjá smærri útleigarum at leiga út.

Markið upp á 150.000 krónur er ásett, so tað ikki skal verða skattafrítt hjá stórum vinnuligum útleigarum at leiga út, sigur landsstýriskvinnan í fíggjarmálum.

Hugsað verður serliga um at stimbra hugin at leiga kømur út, kjallarar ella tóm hús. 

Løgtingið viðgjørdi uppskotið hjá Kristinu Háfoss seinnapartin, og málið er nú farið í fíggjarnevndina. 

 
Nýggjastu sendingar í ÚV
Mánadag 28. september
Við Tórði á túri í Kinnalund
114070
Mánadag 28. september
Nón 28. september 2020
114055
Mánadag 28. september
Norðurljóð 28.september 2020
113957
Mánadag 28. september
KÍ hevur størstu avbjóðingina í søguni
114053
Mánadag 28. september
Áðrenn Elvis
114051
Nýggjastu sendingar í SV
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andaktin
114007
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812