Vindur og regn eru góð fyri grønu orkuna hjá SEV

27.11.2018 - 12:43
AktueltTøkni
Vindur og regn eru góð fyri grønu orkuna hjá SEV
Oktober í ár er besti mánaður higartil hjá vindorkuni hjá SEV
Nógvur vindur er góður hjá SEV. Vindmyllulundin í Húsahaga setti met í oktober.
 

Meðal vindmegin var 11,8 m/sek. í oktober, og vindmyllurnar gjørdu 7.600 megawatttímar, sum svara til alla el-nýtsluna hjá  privatum húskjum í Føroyum, sigur SEV.

Vindmyllulundin í Húsahaga gjørdi 5032 megawatttímar í oktober. Hetta er nýtt met, gamla metið er frá desember 2014.

Grøna orkan var 68 prosent í oktober. Vindorka stóð fyri 23 prosentum, og 44,5 prosent komu frá vatnorku. 

Í oktober í fjør var grøni parturin 64 prosent, og í 2016 var grøni parturin 46 prosent, sigur SEV.

4,5 prosent meira streymur varð gjørdur í oktober í ár enn í oktober í fjør. 

Og hóast grøni parturin vaks í oktober, er oljunýtslan eisini størri enn í fjør, hon var 7,7 prosent størri í oktober.


 

 
Nýggjastu sendingar í ÚV
Mikudag 3. juni
Breddin
109678
Mikudag 3. juni
Nón 3. juni 2020
109675
Mikudag 3. juni
Lív og virki Frank Mangs
109656
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558