Mæla frá at Norðoyatunnilin fyrireikar tunlar

29.11.2018 - 16:19
Aktuelt
Mæla frá at Norðoyatunnilin fyrireikar tunlar
Rættarnevndin hevur lagt fram álit í málinum um, at Norðoyatunnilin skal fyrireika tunlar norður um Fjall
 

Samgonguflokkarnir og Sonja Jógvansdóttir í rættarnevndini taka ikki undir við uppskotinum frá tingfólki í andstøðuni, um at Norðoyatunnilin skal fyrireika verkætlanina at gera tunlar norður um Fjall, og mælir frá at samtykkja tað.

Meirilutin sigur, at tað er ikki skilagott at taka einstakar verkætlanir burtur úr samferðsluætlanini hjá Landsverki, sum longu eru raðfestar, og at fíggja tær við gjaldsvegum ella tunlum, sum tilvildarliga liggja nærindis.

Tað er eisini ein stór prinsipiell avgerð at leggja dýrar verkætlanir út um fíggjarlógina.

Landsgrannskoðanin hevur fleiri ferðir funnist at hesum leisti, tí íløgurnar hjá landskassanum vera ikki gjøgnumskygdar.

Meirilutin heldur, at skulu tunlar norður um Fjall framskundast, er neyðugt, at Hvalbiartunnilin verður gjørdur sum skjótast.

Fyrireika og projektera

Andstøðulimirnir í rættarnevndini taka undir við uppskotinum, og mæla tinginum til at samtykkja tað.

Teir siga, at lógaruppskotið hevur einki við at gera, hvør fíggingarleistur verður brúktur, tá tunlarnir norður um Fjall verða gjørdir.

Tá úrslitið av fyrireikingini og forprojekteringini fyriliggur, er ætlanin at koma við endaligum uppskoti fyri tingið.

So stendur tað til løgtingið at gera av, hvat loysnin verður, bæði viðvíkjandi fígging og linjuføring, siga andstøðuumboðini í rættarnevndini.

Er kopiera
Nýggjastu sendingar í ÚV
Fríggjadag 23. apríl
Góðan morgun Føroyar
123206
Fríggjadag 23. apríl
Morgunlesturin fríggjamorgunin 23. apríl 2021
123017
Hósdag 22. apríl
RagnarRokk 22.apríl "Jorn Lande"
122921
Hósdag 22. apríl
BREDDIN
123177
Hósdag 22. apríl
Nón 22. apríl 2021
123174
Nýggjastu sendingar í SV
Mánadag 19. apríl
3-2
123045
Sunnudag 18. apríl
Andakt við Beintu Áargarð
122973