Eingin serksipan fyri eldraøkið í Suðuroy

Eingin serksipan fyri eldraøkið í Suðuroy
Í svari frá løgmanni til eldrasamstarvið í Suðuroynni stendur, at eingin serskipan verður gjørd fyri eldraøkið í Suðuroy.
 
05.12.2018 - 09:00

Fyrr í ár hótti stýrið fyri eldraøkið við at leggja frá sær, tí tey fáa tað ikki at hanga saman fíggjarliga.

Nú hevur løgmaður svarað, og eingin serskipan verður gjørd fyri eldraøkið í Suðuroynni. 

"Landsstýrið kann ti ikki í eini handavending ganga tykkara umbøn á møti". Tað svarar løgmaður Bú- og heimatænastuni í Suðuroynni.

Bú- og heimatænasta sendi í september skriv til løgmann um at fáa eina serskipan fyri eldraøkið í Suðuroynni, tí tey fáa tað ikki at mæla runt fíggjarliga.

Bú- og heimatænastan vildi hava eina serskipan sum tann, ið er í Sandoynni. Men tað fáa tey ikki.

23. november svarar løgmaður Bú- og heimatænastuni. Løgmaður sigur, at landsstýrið enn einaferð hevur hugt nærri at viðurskiftinum og hvørja ávirkan útleggingin av eldraøkinum hevur havt á fíggjarstøðuna í oynni.

Løgmaður skrivar millum annað:

"(...) at inntøkugrundarlagið í Suðuroynni er lægri enn aðrastaðni í landinum, men at hetta ikki kemst av, at eldraøkið varð flutt út til kommunurnar. Tvørturímóti er tað okkara fatan, at tað í Suðuroynni er ein greiður samanhangur millum lutfallið av útluting úr landskassanum og lutfallið av íbúgvum 67 ár og eldri í Suðuroynni í mun til alt landið".

Dennis Holm, sum er nýggjur formaður í stýrinum fyri Bú- og heimatæanastuna í Suðuroynni, vil ikki gera viðmerkingar til málið, tí stýrið fer at viðgera málið á fundi í dag.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584