Ófriðurin fer at raka búskapin

Ófriðurin fer at raka búskapin
Mótmælisgongurnar í Fraklandi fara nú eisini at merkjast í búskaparvøkstrinum hjá landinum, væntar ráðharrin í fíggjarmálum
Ófriðurin í Fraklandi fer nú eisini at ávirka búskaparliga vøksturin í landinum, heldur ráðharrin í fíggjarmálum
Mynd: AP  
 
09.12.2018 - 17:48

Herviligi ófriðurin í Fraklandi fýra tær síðstu vikurnar merkist ikki bara í gøtunum í landinum. Búskapurin hjá landinum fer eisini at merkja sviðan av ringa ófriðinum.

Bruno Le Maire, ráðharri í fíggjarmálum, sigur í dag, at Frakland má rokna við, at mótmælini og ófriðurin síðstu tíðina nú eisini fer at raka búskapin hjá landinum.

- Vit mugu vænta niðurgongd í búskaparvøkstrinum í ár, orsakað av mótmælunum hjá Gulu vestunum, sigur ráðharrin í fíggjarmálum, sambært tíðindastovuni Reuters.

Stjórnin í Fraklandi lovaði leygardagin at taka upp tingingar við mótmælisrørsluna Gulu vestarnir, men tað er ein rørsla uttan leiðarar, og tí er trupult hjá stjórnini at fáa tingingar í lag.

Tilsamans 136.000 fólk tóku lut í mótmælisgongum í Fraklandi í gjár. Meira enn 1.700 fólk vórðu handtikin og 1.200 eru varðhaldsfongslað, sigur innanríkisráðið í landinum.

Er kopiera
Nýggjastu sendingar í ÚV
Fríggjadag 25. juli
RagnarRokk: Alfio Annibalini um Stygian Waves
194129
Fríggjadag 25. juli
Morgunlestur fríggjadagur 25. juli 2025
194848
Hósdag 24. juli
Morgunlestur hósdagur 24. juli 2025
194847
Mikudag 23. juli
Sangir úr mínum lívi - Beinir
194884
Nýggjastu sendingar í SV
Hósdag 24. juli
Motorarnir og maðurin
194948
Mikudag 23. juli
Dagur og vika - teknmálstulkað
194872
Týsdag 22. juli
Veðrið
194844