Nærkast nývali í Svøríki

11.12.2018 - 09:05
AktueltÚtheimurin
Nærkast nývali í Svøríki
Centerflokkurin fer ikki at stuðla Stefan Løfven sum forsætisráðharra, og tí er polittiska støðan framvegis ógreið 13 vikur eftir valið.
 

Svenski Centerflokkurin fer ikki at stuðla Stefan Løfven sum forsætisráðharra, og tí er polittiska støðan framvegis ógreið, hóast valið til Ríkisdagin var fyri 13 vikum síðani.

Annie Løøf, forkvinna í Centerflokkinum sigur seg vera vónsvikna av samráðingunum, sum hava vart í fimm dagar.

Centerflokkurin samráddist við Javnaðarflokkin, Umhvørvisflokkin og Liberala flokkin. Og ætlanin var, at Stefan Løfven skuldi halda fram sum forsætisráðharri.

Men samráðingarnar eru slitnaðar, og Centerflokkurin fer ikki at stuiðla forsætisráðharranum, so hann kann halda fram.

- Vit  hava gjørt tað, vit kundu í royndini at skipa stjórn, men tað bar ikki á mál, sigur Annie Løøf.

Nú eru tað bert teir stóru flokkarnir, Javnaðarflokkurin og Moderatarna, sum mugu tryggja Svøríki eina stjórn, sigur hon.

At stjórnarsamráðingarnar enn einaferð eru endaðar úrslitaleysar, kann hava við sær, at fyribilsfíggjarlógin, sum Stefan Løfven hevur lagt fyri Ríkisdagin, ikki verður samtykt, tí hvørki Centerflokkurin ella Liberali flokkurin siga seg fara at atkvøða fyri uppskotinum.

Tí er ikki óhugsandi, at uppskotið til fíggjarlóg, sum Moderatarna og Kristiligi Fólkaflokkurin hava gjørt, verður samtykt við stuðli frá Svøríkisdemokratunum.

Nú verður tosað um nýval í Svøríki, tí ein forsætisráðharri kann ikki verða sitandi, um hann fær ein meiriluta ímóti sær, og tað kann væl henda mikudagin, tá atkvøðast skal um uppskotið til fíggjarlóg.

Stefan Løfven tapti eina atkvøðugreiðslu í Ríkisdegnum stutt eftir valið, og tað sama hendi hjá formanninum í Moderatarna, Ulf Kristersson, sum arbeiddi við at skipa stjórn.

Formaðurin í ríkisdegnum, Andreas Norlen, sigur í dag, at hann fer at tosa við flokkarnar, og hann vísir ikki aftur, at Ríkisdagurin kanska enn einaferð skal atkvøða um Stefan Løfven sum forsætisráðharra.

Finst eingin loysn, so verður helst nýval útskrivað í Svøríki, er niðurstøðan hjá polittisku eygleiðarunum, sum fylgja gongdini.

 

Sí eisini

Nýggjastu sendingar í ÚV
Mánadag 21. oktober
Morgunlestur mánadagur 21.oktober 2019
99990
Sunnudag 20. oktober
Meg minnist: Egil Hoydal (1:2)
99927
Sunnudag 20. oktober
Bolero 20 okt. 2019
100078
Sunnudag 20. oktober
Guðstænasta úr Kunoyar kirkju 20 okt. 2019
100077
Sunnudag 20. oktober
Minnismyndir: Hans Holm (2:3)
99843
Nýggjastu sendingar í SV
Sunnudag 20. oktober
Andakt við Heðini Lamhauge
100075
Sunnudag 20. oktober
Heystguðstænasta úr Eiðis kirkju
100076
Hósdag 17. oktober
Flaggsigling 2019 1:2
100020
Mánadag 14. oktober
3-2
99875
Sunnudag 13. oktober
Andakt við Mourits Mouritsen
99826