Danskar milliónir til ung í ríkisfelagsskapinum

12.12.2018 - 07:03
AktueltPengar
Danskar milliónir til ung í ríkisfelagsskapinum
Forsætismálaráðíð hevur sett av 25 mió. kr. næstu fýra árini til at styrkja kunnleikan hjá teimum ungu í ríkisfelagsskapinum um hini bæði londini
Stuðulin til tey ungu varð samtyktur á ríkisfundinum í Føroyum í summar.
 

Ung í Føroyum skulu vita meira um Danmark og Grønland.

Forsætismálaráðíð hevur sett av 25 mió. kr. næstu fýra árini til at styrkja kunnleikan hjá teimum ungu í ríkisfelagsskapinum um hini bæði londini í ríkinum. 

Hetta varð samtykt á ríkisfundinum í Føroyum í summar.

Og semja er nú gjørd um pengarnar í fólkatinginum. Teir koma í donsku fíggjarlógina fyri 2019.

Pengarnir skulu brúkast til námsferðir, stuðul til ung, sum fara í háskúla, heimildarfilmar, útbúgving og til kappingar um serritgerðir í hægri útbúgvingum.

Danska stjórnin fer eisini at royna at fáa kunnleika um ríkisfelagsskapin í danska fólkaskúlan, har kunnleiki um ríkisfelagsskapin skal verða kravdur. 

- Við vitan gera vit av við fordómarnar og styrkja samanhaldið, sigur Lars Løkke Rasmussen, forsætisráðharri.

 
Nýggjastu sendingar í ÚV
Leygardag 30. mai
Jambalaja 300520
109543
Leygardag 30. mai
Kjakaríið: Rógvi, Allan og Eyðfinn
109541
Leygardag 30. mai
Morgunlesturin leygardagurin 30.mai 2020
109170
Fríggjadag 29. mai
Góðan morgun Føroyar 29.05.2020
109499
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292