Leiðslan á Landsverki koyrd í tríggjar deildir

Heðin Mortensen, landsstýrismaður í samferðslumálum hevur í dag gjørt av fyribils at skipa leiðsluna
av Landsverki í tríggjar deildir, sum hvør sær koma at vísa til Samferðslumálaráðið:

Armgarð Steinhólm verður leiðari fyri deildina - Infrakervi, maskinur og framleiðsla.

Jón Ó. Sólsker verður leiðari fyri - Nýbygging, prosjektering og viðlíkahald av bygningum.

Hans Albert Hansen verður leiðari fyri - Stjórn- og samskipan.

Fyrst í komandi ári verður lýst eftir nýggjum stjóra til Landsverk, sigur Samferðslumálaráðið.

Ein av høvuðsuppgávum stjórans verður at umskipa stovnin í mun til tær avbjóðingar, sum liggja fyri
framman, stendur í tíðindaskrivinum frá samferðslumálaráðnum.

Ewald Kjølbro fór mikudagin úr starvinum sum stjóri á Landsverki eftir málið um byggingina av Marknagilsdeplinum.