Kristin koyrdur úr tingbólki Javnaðarfloksins

03.01.2019 - 13:16
AktueltPolitikkur
Kristin koyrdur úr tingbólki Javnaðarfloksins
Aksel V. Johannesen boðar í tíðindaskrivi frá, at tingbólkurin hevur koyrt Kristin Michelsen úr tingbólki Javnaðarfloksins.
 

Fyri løtu síðani sendi løgmaður, Aksel V. Johannesen, út tíðindaskriv, har boðað varð frá, at Kristin Michelsen ikki longur er partur av tingbólkinum hjá Javnaðarflokkinum. 

Sostatt verður Kristin Michelsen heldur ikki valevni floksins til komandi val. 

Í skrivinum stóð, at støðan í flokkinum ikki var haldgóð, síðani Kristin Michelsen, tingmaður, í januar í fjør boðaði alment frá, at hann ikki kendi seg bundnan til at atkvøða saman við Javnaðarflokkinum, men heldur tók persónliga støðu frá máli til mál.

Harumframt skrivar løgmaður, at hann sum formaður ikki kann góðtaka arbeiðslagið hjá Kristini Michelsen.

Tingbólkurin hevur tikið ta støðu, at Kristin Michelsen ikki longur er partur av tingbólki floksins í Løgtinginum.

Hartil hevur starvsnevndin hjá Javnaðarflokkinum tikið ta støðu, at Kristin Michelsen ikki verður á listanum hjá Javnaðarflokkinum til komandi løgtingsval.

Aksel V. Johannesen, løgmaður, verður í útvarpsstovuni klokkan 15.

 
Nýggjastu sendingar í ÚV
Mikudag 20. november
Breddin
101262
Mikudag 20. november
Nón 20. november 2019
101261
Mikudag 20. november
Góðan morgun, Føroyar 20. november 2019
101246
Mikudag 20. november
Morgunlesturin mikumorgunin 20. november 2019
101175
Týsdag 19. november
Tematýsdagur av Eiði
101230
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andaktin
101148
Mánadag 11. november
3-2
100936
Sunnudag 10. november
Andakt við Jákup Eli Østerø
100878