Bara 17 prosent brúkt av menningarkvotunum í fjør

Fiskimálaráðið hevur ikki enn kunngjørt, hvussu verður við teimum nógvu tonsunum, sum lupu av í menningarkvotunuum í fjør.

Avlopið er, sambært vektarseðlunum hjá Vørn, 3.641 tons av makreli, 3.015 tons av norðhavssild og 41.562 tons av svartkjafti.
 
58.171 tons vórðu latin í menningarkvotum í fjør, og eftir eru 48.218 tons.

Heldur ikki er komin nøkur kunngerð um, hvussu verður við menningarkvotum í ár.

Í fjør vórðu latnar tríggjar menningarkvotur í fýra ár og ein í tvey ár. Tey, sum fingu tær, kunnu halda fram at fiska í ár. Men tey, sum bara fingu menningarkvotu í eitt ár, - fyri 2018, kunnu fyribils ikki fiska av teimum.