Fíggjarnevndin skal viðgera tvey berghol hósdagin

08.01.2019 - 07:50
AktueltSamfelag
Fíggjarnevndin skal viðgera tvey berghol hósdagin
Níggju mál eru á skránni hjá Fíggjarnevndini. Tey flestu hava verið leingi í tinginum
Bergholið til Fámjins er á skránni hjá Fíggjarnevndini hósdagin.
 

Tvey berghol eru á skránni, tá Fíggjarnevndin hevur fund hósdagin. 

Andstøðuflokkarnir og Kristin Michelsen, sum tá var við í tingbólkinum hjá Javnaðarflokkinum, løgdu fram uppskot um berghol til Fámjins. Tað var 3.oktober.

Málið hevur verið í Fíggjarnevndini síðani 7.november, tá fyrsta viðgerð var.

Nevndin hevur fingið freist til 10.januar, sum er hósdagin, til at avgreiða málið.

Hitt bergholið er til Dals. Miðflokkurin kom við uppskoti um tað tann 4.desember og fyrsta viðgerð var 11.desember.

Onnur gomul mál eru á skránni hjá Fíggjarnevndini hósdagin, so sum varskógvaraskipanin, barnaheimið, skattafría útgjaldið úr Samhaldsfasta, - tað málið fór aftur í nevnd, tá onnur viðgerð var 5.desember, og landsroknskapurin fyri 2017. .

Uppskotið hjá Miðflokkinum um bústaðarbanka er eisini á skránni hósdagin.

Tað hevur verið í Fíggjarnevndin síðani 8.november.    

Fundurin hjá Fíggjarnevndini hósdagin er fyrsti nevndarfundur í løgtinginum í 2019.  

 
Nýggjastu sendingar í ÚV
Fríggjadag 24. januar
Morgunlesturin fríggjamorgunin 24. januar 2020
103001
Hósdag 23. januar
Breddin
103802
Hósdag 23. januar
Nón 23. januar 2020
103798
Hósdag 23. januar
Tríggir popparar hittast (3:3)
103794
Nýggjastu sendingar í SV
Hósdag 23. januar
Ikki illa meint
103763
Mikudag 22. januar
25 minuttir: Tim Birkhead
103726
Mánadag 20. januar
3-2
103616
Sunnudag 19. januar
Møti úr Nerija á Skála
103557