USA leggur trýst á Venesuela

29.01.2019 - 09:11
AktueltÚtheimurin
USA leggur trýst á Venesuela
Í eini roynd at noyða forsetan í Venesuela at lata valdið frá sær, hevur USA hert tiltøkini móti oljuídnaðinum í Venesuela
 

USA hevur hert tiltøkini móti týdningarmikla oljuídnaðinum í Venesuela, í eini roynd at noyða forsetan í landinum, Nicolas Maduro, at lata valdið frá sær til andstøðuna.

USA er millum tey londini, sum hava viðurkent andstøðuleiðran, Juan Guaido, sum nýggjan fyribilsforseta í Venesuela.

John Bolton, trygdarráðgevi í Hvítu húsunum í Washington, sigur, at væntandi fara tiltøkini móti almenna oljufelagnum í landinum at hava við sær, at Venesuela missir útflutningsvirði fyri 11 milliardir dollarar næsta árið.

Nicolas Maduro, forseti, ætlar at svara aftur.

Hann segði í einari røðu í gjárkvøldið, sum varð sjónvarpað, at hann hevur givið stjóranum í oljufelagnum boð um at leggja málið fyri bæði amerikanskar og altjóða dómstólar.

Maduro sigur, at USA, við at herða tiltøkini, roynir at stjala dótturfelagið, sum oljufelagið í Venesuela hevur í USA.

Higartil hevur Donald Trump, forseti, aftrað seg við at seta tiltøk í verk móti oljuídnaðinum í Venesuela, tí tað kann fáa oljuprísin í USA at hækka, og eisini raka hart roynda fólkið í Venesuela. 

Einki bendir á, at Maduro, forseti, ætlar at leggja frá sær.

Hann sigur, at USA stendur á odda fyri eini kvettroynd móti sær.

 
Nýggjastu sendingar í ÚV
Mánadag 28. september
Morgunlestur mánadagur 28. september 2020
113939
Sunnudag 27. september
Frá stríðsárunum (13:15)
113276
Sunnudag 27. september
Meg minnist
114012
Sunnudag 27. september
Minnismyndir: Torbjørn Poulsen
113769
Sunnudag 27. september
Guðstænasta úr Skála kirkju
114002
Nýggjastu sendingar í SV
Sunnudag 27. september
Guðstænasta úr Kollafjarðar kirkju
114003
Sunnudag 27. september
Andaktin
114007
Mikudag 23. september
Drúgt sjónvarp
113851
Mikudag 23. september
Myndir fyri sologuitar eftir Kára Bæk
113720
Týsdag 22. september
Fótbóltur: Føroyar - Hvítarussland
113812