Pávin biðin um at royna semju í Venesuela

06.02.2019 - 15:33
AktueltÚtheimurin
Pávin biðin um at royna semju í Venesuela
 

Forsetin í Venesuela, Nicolas Maduro, hevur heitt á Frans páva um at hjálpa til at loysa kreppuna í landinum.

Tað upplýsti pávin fyri fjølmiðlum í flogfarinum á heimferðini úr Sameindu arabisku emiratunum, har hann hevur verið á vitjan.

Pávin upplýsti, at Maduro hevur sent sær eitt diplomatiskt bræv. Pávin segði, at hann hevði ikki nærlisið brævið, men at hann er fúsur at veita eina hjálpandi hond.

Pávin sigur samstundis, at skal hann royna seg um semingsmann, er neyðugt, at Juan Guaido, ið hevur tilnevnt seg sjálvan forseta í Venesuela, eisini hevur áhuga fyri eini semju.

- Partarnir eru noyddir til at nærkast hvør øðrum, skal møguleiki verða fyri samskifti, segði pávin við tíðindafólkini á heimferðini úr Sameindu arabisku emiratunum. 

 
Nýggjastu sendingar í ÚV
Sunnudag 7. mars
Bolero: Kári Bæk
121245
Sunnudag 7. mars
Credo: Mørk kunnu og skulu flytast
121181
Leygardag 6. mars
Funnu kinesararnir Amerika (2:2)
120697
Nýggjastu sendingar í SV
Sunnudag 7. mars
Andaktin
121249
Sunnudag 7. mars
Guðstænasta úr Vesturkirkjuni
121251
Leygardag 6. mars
FMA 2021
121234