Lógin um veiðigjaldið er nú gjørd

13.02.2019 - 07:44
AktueltVinna
Lógin um veiðigjaldið er nú gjørd
Lógaruppskot um veiðigjald er nú gjørt og sent til hoyringar. Hoyringarfreistin er sum ikki einaferð stutt,  hon er ein vika
Størsta veiðigjaldið er fyri makrel
 

Lógaruppskot um veiðigjald er nú gjørt og sent til hoyringar. Hoyringarfreistin er stutt, hon er ein vika. 

Endamálið við lógaruppskotinum er at seta í verk eina skipan, har veiðigjald verður lagt á eyka stóran vinning hjá teimum, sum eiga rættin til føroyskt sjófeingi. 

Gjaldið er 60 prosent av eyka stóra vinninginum.
 
Í uppskotinum er fiskiskapurin býttur í fýra bólkar, tað er:

- eftir uppsjóvarfiski,

- eftir botnfiski í Barentshavinum og við Svalbard og svartkalva við Vesturgrønland og eftir rækjum, 

- eftir botnfiski við troli aðrastaðni enn í Barentshavinum og við Svalbard, 

- og eftir botnfiski við øðrum reiðskapi enn troli aðrastaðni enn í Barentshavinum og við Svalbard.

Fiskamálaráðið sigur, at var lógin um veiðigjald í gildi alt árið 2019, hevði veiðigjaldið ligið um 150 milliónir krónur í ár.

Kostar Taks

Men útreiðslur eru eisini. Taks skal brúka 650.000 kr. um árið til at umsita veiðigjaldið og 140.000 kr. í einsinnis-kostnaði, tá skipanin kemur í gildi.

Fiskimálaráðið sigur, at verður inntøkan frá veiðigjaldinum 220 milliónir krónur, missa kommunurnar seks milliónir krónur í partafelagsskatti. 

Í kunngerð, sum skal koma í gildi 1.april, eru veiðigjøldini fyri uppsjóvarfisk og fyri tosk og hýsu í Barentshavinum og við Svalbard, fyri svartkalva við Vesturgrønland og fyri rækjur.

Eingi gjøld eru fyri onnur fiskasløg. Størsta veiðigjaldið er fyri makrel. Tað er 1,43 kr. fyri kilo í fyrsta ársfjórðingi ár og 1,52 kr. í øðrum ársfjórðingi.

 
Nýggjastu sendingar í ÚV
Hósdag 21. november
Áðrenn Elvis: Gleði og kæti
101291
Hósdag 21. november
Góðan morgun, Føroyar 21. november 2019
101286
Hósdag 21. november
Bókasin skuldi heldur verið bókarit
101285
Hósdag 21. november
Morgunlesturin hósmorgunin 21. november 2019
101109
Mikudag 20. november
Breddin
101262
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936