UNICEF ávarar um meslingafarsótt

02.03.2019 - 10:04
AktueltHeilsa
UNICEF ávarar um meslingafarsótt
Ringast stendur til í Ukraina, Fraklandi og Brasilia
 

Barnaheilsustovnurin hjá ST, Unicef, ávarar um herviliga farsótt av meslingum.

Samanumtikið eru meslingar ein vaksandi trupulleiki í 98 londum kring heimin. 

Ringast stendur til í Ukraina, Fraklandi og Brasilia.

Í Ukraina vórðu 35.000 fleiri fólk smittað við meslingum í fjør, sammett við árið fyri.

Og sama, keðiliga gongd heldur fram í ár, ávarar Unicef.

Ivast í koppseting

Ein høvuðsorsøk til gongdina er, at alsamt fleiri fólk í Ukraina eru farin at ivast í, um tað er rætt at koppseta síni børn móti meslingum. Og harumframt er eisini trot á koppseting í landinum.

Men, sum nevnt er trupulleikin vaksandi í nógvum av heimsins londum, bæði í Eysturevropa, Asia og Suðuramerika umframt í Fraklandi.

Um okkara leiðir verða flestu børn koppsett móti meslingum, og verður tað gjørt við sonevndu MFR-vaksinuni, sum verður latin smábørnum.

Um tað ikki er gjørt, so eru ráðini annars at koppseta seg, áðrenn farið verður av landinum.


 

 
Nýggjastu sendingar í ÚV
Nýggjastu sendingar í SV
Mánadag 17. juni
3-2
95742
Mánadag 17. juni
EM hondbóltur: Føroyar - Montenegro
95713
Mánadag 17. juni
Andaktin
95706
Sunnudag 16. juni
EM hondbóltur: Danmark - Føroyar
95711
Mikudag 12. juni
Minnist tú enn? (13:13)
26422