Nógvar milliónir afturat til Landssjúkrahúsið

10.04.2019 - 12:22
AktueltHeilsa
Nógvar milliónir afturat til Landssjúkrahúsið
Løgtingið er biðið um at játta 29 mió. kr. afturat til Landssjúkrahúsið
Landssjúkrahúsið skal hava 29 mió. kr. afturat sambært uppskoti um eykajáttan.
 

Løgtingið er biðið um at játta 29 mió. kr. afturat til Landssjúkrahúsið.

Uppskotið um eykajáttan kom í løgtingið í gjár.

Til vanliga virksemið vanta 14 mió. kr. og til serviðgerð uttanlands vanta 15 mió. kr. í ár.

Fíggjarmálaráðið sigur, at tað verður ikki góðtikið, at landsstýrið ikki fyrr enn í februar fær at vita, at meirnýtsla er á Landssjúkrahúsinum.

Heilsu- og innlendismálaráðið hevur tí tikið stig til at styrkja fíggjarstýringina í heilsuverkinum fyri at tryggja, at meirnýtslan ikki endurtekur seg.

Heilsuframi

Landsstýrið hevur eisini biðið løgtingið um at lata Fólkaheilsuráðnum 750.000 kr. afturat í ár.

Játtanin er ætlað til at fyrireika verkætlanina Heilsuframi. 

Talan er um eina royndarverkætlan, sum við vegleiðing og tilboðum um kost og rørslu millum annað skal betra heilsuna hjá føroyingum.

Ætlanin er at gera verkætlana saman við einari ella fleiri kommunum, sum vilja, at fólk í kommununi hava møguleika at vera vera við.

Hetta samsvarar við, sigur landsstýrið, at WHO, alheims heilsustovnurin, sigur, at 70 prosent av vaksandi tørvinum á tænastum frá heilsuverkum kring heimin skyldast lívsstílssjúkum.

 
Nýggjastu sendingar í ÚV
Hósdag 21. november
Góðan morgun, Føroyar 21. november 2019
101286
Hósdag 21. november
Bókasin skuldi heldur verið bókarit
101285
Hósdag 21. november
Morgunlesturin hósmorgunin 21. november 2019
101109
Mikudag 20. november
Breddin
101262
Mikudag 20. november
Nón 20. november 2019
101261
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936