Yvirgangsatsókn á Sri Lanka

21.04.2019 - 10:53
AktueltÚtheimurin
Yvirgangsatsókn á Sri Lanka
Ein yvirgangatsókn rakti Sri Lanka í morgun, og sambært seinastu tíðindunum hava 156 fólk latið lív í atsóknini og eini 400 fólk eru komin til skaða
Sambært seinastu tíðindunum hava 156 fólk latið lív í einari atsókn á Sri Lanka í morgun og eini 400 fólk eru komin til skaða
Mynd: © Mynd: BBC  
 

Talan var um seks bumbuatsóknir, sum raktu tríggjar katólskar kirkjur og trý hotell. Bumburnar brustu undir páskagudstænastunum har nógv fólk vóru komin saman. Býirnir, sum eru raktir, eru høvuðsstaðurin Colombo, Negombo og Batticaloa.

Millum tey, sum hava latið lív, eru 35 útlendingar, men enn er einki sum bendir á, at nakrir norðurlendingar eru millum tey, sum hava latið lív.

Myndugleikarnir høvdu ávarað

Enn hevur eingin tikið ábyrgdina av yvirgangsatsóknini á Sri Lanka í morgun, men nógv bendir á, at talan er um víðgongdar muslimar.

Fyri eini viku síðan sendi løgregluovastin á Sri Lanka eina ávaring um, at ætlanir vóru um fleiri yvirgangsatsóknir, ið skuldu raka kirkjur í landinum, og at muslimski yvirgangsfelagsskapurin NTJ stóð aftanfyri.

Dagføring: Danska uttanríkisráðið boðar frá, at møguliga eru danir millum tey raktu av yvirgangatsóknini.

 
Nýggjastu sendingar í ÚV
Hósdag 4. juni
Kvørnin: "Illusions", Heiðrik
109739
Hósdag 4. juni
Breddin
109740
Nýggjastu sendingar í SV
Mánadag 1. juni
Andakt við Emil Olsen, presti
109624
Mánadag 1. juni
Guðstænasta úr Fuglafjarða kirkju
109572
Sunnudag 31. mai
Andakt við Emil Olsen, presti
109555
Sunnudag 31. mai
Guðstænasta úr Glyvra kirkju.
109558